Jetisýda Bilim kúninde 6 mektep esigin aiqara ashty
Osylaisha Ile aýdanynda birden 900, 600 jáne 300 oryndy 3 mektep 1 qyrkúiek kúni Qaraoi, Qosózen jáne Boraldai aýyldarynda ashyldy. Aýyldastaryn qýanyshty jańalyqpen oblys ákiminiń orynbasary Batyrjan Baijumanov jáne aýdan ákimi Baǵdat Qarasaev quttyqtady.
Jańadan qoldanysqa berilgen 1600-den astam bala oqityn úsh jańa mektepte 147 pedagog jumys isteidi. Oqý úshin barlyq jaǵdai jasalǵan. Modifikatsiialyq kabinetter, akt jáne sport zaldary, lingofon jáne ádistemelik kabinetter, kompiýterlik synyptar, sheberhanalar, ashanalar, oqý zaldary bar kitaphanalar jáne basqasy.
900 orynǵa arnalǵan mekteptiń ashylý saltanatynda quttyqtaý sóz sóilegen Batyrjan Baijumanov:
– Prezidentiniń tapsyrmasyna sáikes oblys mektepterinde oqý protsesi sanitarlyq shekteýlerdi saqtai otyryp jáne «bir synyp – bir kabinet» júiesi boiynsha dástúrli formatta júrgiziletin bolady. Oblysta 438 myń oqýshy qaitadan partaǵa otyrady. Qazir bilim sapasyn arttyrý úshin belsendi jumys isteý óte mańyzdy. Memlekettik qoldaýdyń arqasynda osy maqsatta barlyq jaǵdai jasalǵan. Jańa mektepter salynýda, kúrdeli jóndeý júrgizilýde, materialdyq-tehnikalyq bazasy jańartylýda. Búginde ashylyp jatqan jańa mektepter zamanaýi bilim berý ortalyqtaryna ainalady dep senemin. Oblys ákiminiń atynan barshańyzdy Bilim kúnimen quttyqtaimyn. Oqýshylarǵa, olardyń ata-analaryna jáne ustazdaryna zor densaýlyq jáne jańa oqý jylynda tabys tileimin, – dedi.
Sondai-aq Bilim kúni 450 orynǵa arnalǵan alma-mater Qarasai aýdanyna qarasty Batan aýylynda paidalanýǵa berildi. Aýdan ákimi Jandarbek Dalabaev atap ótkendei, búgingi tańda aýdan mektepterinde 72 myńnan astam oqýshy bilim alýda. Bul byltyrǵy oqý jylymen salystarǵanda 6 myńǵa kóp.
– Aýdan halqy tyǵyz ornalasqandyqtan, mektep qurylysy – bul úsh aýysymdy oqytýdy joiýǵa baǵyttalǵan úlken áleýmettik mańyzy bar oqiǵa. Qazir Qarasai aýdanynda 4100 orynǵa arnalǵan 3 mektep salynýda, onyń ishinde «Asyl arman» shaǵyn aýdanynda. Sondai-aq, 1800 oryndyq mektepterge 3 qosymsha qurylys nysany salynýda. Sonymen qatar, taǵy 3 jańa mekteptiń qurylysy úshin jobalyq-smetalyq qujattama daiyndalýda, – dedi J.Dalbaǵaev.
Eskeldi aýdanyna qarasty Abai aýylynda 180 oryndy 25 balaǵa arnalǵan shaǵyn ortalyǵy bar jańa mektep qoldanysqa berildi. Onyń qurylysyna jergilikti biýdjetten 1 mlrd. teńgeden asa qarajat bólindi. Qurylys jumystaryn «Talas-Qurylys» JShS merdiger kompaniiasy júrgizdi. Aýyl turǵyndaryn qýanyshymen aýdan ákimi Rýstam Ali quttyqtady.
Onlain-rejimde oqýǵa qaramastan, Eskeldi aýdany úshin ótken oqý jyly óte sátti ótti. UBT tapsyrǵan 360 túlektiń 190-y otandyq jetekshi joǵary oqý oryndarynda grant iegeri atansa, taǵy 8-i oblys ákiminiń grantyna ie boldy. Al 35-i shetelde tegin oqidy. Jalpy aýdanda ótken jyldyń qorytyndysy boiynsha úlgerim deńgeii 61 paiyzdan asty.
Esterińizge sala keteiik, Panfilov aýdanynda mektep Konstitýtsiia kúni saltanatty túrde ashylǵan edi.
Almaty oblysynda barlyǵy 33 mekteptiń qurylysy júrgizilýde. Onyń 10-y jyl sońyna deiin paidalanýǵa beriledi dep josparlanýda. Al 6-y bilim kúninde qoldanýǵa berildi. Oblystyń barlyq mektepteri «Ashyq» jobasynda tirkelgen, pedagogtar men mektep ujymy vaktsinatsiialandy. Birinshi synypqa 47 myńǵa jýyq bala bardy. Jalpy oqýshylar sany 438 myńǵa jetti.
