Almaty oblysynyń ákimi Amandyq Batalov jobanyń alǵashqy qurylys kezeginiń barysyn óz kózimen kórip, tanysyp qaitty. Óńir basshysyna nysan boiynsha atqarylǵan jumystar jaily mamandar egjei-tegjeili baiandap berdi.
Jalpy qýattylyǵy 150 MVt-saǵat bolatyn stantsiia aýmaǵy 400 gektar jerdi alady. Stansa elimizdiń Soltústik – Oń
tústik baǵytyna elektr qýatyn tasymaldaýdyń ótkizý múmkindigin arttyrý arqyly Qazaqstannyń ońtústik oblystaryndaǵy elektr qýatyna degen tapshylyqty jabý maqsatynda turǵyzylýda. «Eneverse Kunkuat» seriktestiginiń jobalaýymen turǵyzylyp jatqan elektr stansasy kún sáýlesi energiiasyn turaqty kerneýdegi elektr toǵyna ainaldyratyn 303 myń arnaiy panelden turady. Jabdyqtardyń basym bóligi Germaniiadan jetkizilgen. Kún elektr stansasynyń birinshi kezegi jylyna 151,2 MVt-saǵat elektr qýatyn óndiredi.
Qazirgi kezde Almaty oblysy 200 Mvt energiiaǵa tapshy bolsa, sol jetispeýshilik osy stantsiia arqyly túbegeili sheshilmek. Dál qazirgi kezde aýmaqta qyzý qurylys jumysy júrgizilýde.
Bul «Biznestiń jol kartasy-2020» memlekettik baǵdarlamasy aiasynda júzege asyrylýda. Aldaǵy ýaqytta kún elektr stansasy iske qosylǵanda 26 adam turaqty jumyspen qamtylmaq.
Ótken jyldyń sáýir aiynda jobalyq smetasy jasalǵan óndiris ornynyń qurylysy búginde qyzý júrip jatyr. Elektr stansasynyń birinshi kezeńiniń qurylysy biylǵy tamyzda bastalypty jáne 2019 jyldyń birinshi toqsanynda aiaqtalady. Al ekinshi kezeńi keler jyldyń úshinshi toqsanynda bitedi dep josparlanǵan. Búginde qurylys aimaǵynda «Nazar», «Amanat» siiaqty iri seriktestikter jumys isteýde.
Aita keteiik, joba 2016 jyly Almaty oblysy delegatsiiasynyń Qytai Halyq Respýblikasynyń Úrimshi qalasyna arnaǵan jumys sapary barysynda jańartylatyn qýat kózderi salasy boiynsha qol qoiylǵan kelisim aiasynda júzege asyrylýda.
Baljan Qairatqyzy, Almaty oblysy
