Oblys ákimi Amandyq Batalov saltanatty qabyldaýǵa kelgen ardagerlerdi Uly Jeńis kúnimen quttyqtaı otyryp, olarǵa myqty densaýlyq, sergek kóńil, uzaq ǵumyr tiledi:
– Qurmetti ardagerler, sizderdi Jeńistiń jarqyn merekesimen shyn júrekten quttyqtaımyn! Soǵystyń aıaqtalǵanynan 74 jyl ótti. Biraq sol surapyl jyldardaǵy bizdiń ata-apalarymyzdyń erligi áli kúnge bizdiń jadymyzda. Ókinishke qaraı, ortamyzdaǵy soǵys ardagerleriniń qatary kúnnen kúnge sırep barady. Elbasynyń qamqorlyǵynyń arqasynda ardagerler men basqa da sanattaǵy azamattarǵa sanatorııde tegin emdelý men ońaltý sharalary úshin 470 mln. teńge bólinip otyr. Sol sıaqty Uly Otan soǵysy ardagerleri men múgedekterine qosalqy jáne kómekshi quraldar úshin jergilikti búdjetten 3 mlrd. teńgeden astam qarjy qarastyryldy. Jeńis kúnine oraı oblystyq qazynadan árbir soǵys ardagerine bir rettik materıaldyq kómek retinde 500 myń teńgeden beriledi, – dedi A. Batalov.
Sol sıaqty Amandyq Batalov óz sózinde jýyrda oblysqa el Prezıdenti Qasym-Jomart Toqaevtyń kelip, óńirdiń áleýmettik-ekonomıkalyq damý jaǵdaıymen tanysqanyn aıtty:
– Memleket basshysy saparyn qorytyndylaı kele óńirdiń órkendeý jaıyna oń baǵa berdi. Onda árqaısylaryńyzdyń da úlesterińiz bar. Sizderdiń maıdandaǵy jáne eńbek dalasyndaǵy erlikterińiz úshin, jastardy patrıottyq rýhta tárbıeleýdegi mańyzdy rólderińiz úshin aıtatyn alǵysymyz zor. Biz óz tarapymyzdan sizderge árqashanda qoldaý kórsetemiz, – dep A. Batalov ardagerlerge degen quttyqtaý lebizin bildirdi.
Ardagerler atynan Sarqan aýdanynan kelgen Berlibek Ysqaqov merekelik quttyqtaý sózin arnady.
– Memleket bizge qamqorlyq jasap, únemi kóńil bólip, qurmettep keledi. Biz balalarymyzdyń beıbit ómir súrgenin, osy azattyǵymyz ben táýelsizdigimizdi baǵalaı bilgenin qalaımyz jáne barshańyzǵa árdaıym ashyq aspan, densaýlyq pen baqytty ǵumyr tileımin, –B. Ysqaqov.
Alǵys tilekterin aty ańyzǵa aınalǵan «paravoz apa» - Altynaı Esbolatova jáne basqa da ardagerler bildirip, batalaryn berdi.
Munan ári saltanatty shara merekelik túski aspen jalǵasty. Oǵan oblystyń túkpir-túkpirinen 150 ardager men tyl eńbekkeri qatysty. Olardyń árqaısysyna gúl shoqtary men syılyqtar tabys etildi.
Almaty oblysy ákiminiń baspasóz qyzmeti
