Oblys ákimi Amandyq Batalov saltanatty qabyldaýǵa kelgen ardagerlerdi Uly Jeńis kúnimen quttyqtai otyryp, olarǵa myqty densaýlyq, sergek kóńil, uzaq ǵumyr tiledi:
Sol siiaqty Amandyq Batalov óz sózinde jýyrda oblysqa el Prezidenti Qasym-Jomart Toqaevtyń kelip, óńirdiń áleýmettik-ekonomikalyq damý jaǵdaiymen tanysqanyn aitty:
– Memleket basshysy saparyn qorytyndylai kele óńirdiń órkendeý jaiyna oń baǵa berdi. Onda árqaisylaryńyzdyń da úlesterińiz bar. Sizderdiń maidandaǵy jáne eńbek dalasyndaǵy erlikterińiz úshin, jastardy patriottyq rýhta tárbieleýdegi mańyzdy rólderińiz úshin aitatyn alǵysymyz zor. Biz óz tarapymyzdan sizderge árqashanda qoldaý kórsetemiz, – dep A. Batalov ardagerlerge degen quttyqtaý lebizin bildirdi.
Ardagerler atynan Sarqan aýdanynan kelgen Berlibek Ysqaqov merekelik quttyqtaý sózin arnady.
– Memleket bizge qamqorlyq jasap, únemi kóńil bólip, qurmettep keledi. Biz balalarymyzdyń beibit ómir súrgenin, osy azattyǵymyz ben táýelsizdigimizdi baǵalai bilgenin qalaimyz jáne barshańyzǵa árdaiym ashyq aspan, densaýlyq pen baqytty ǵumyr tileimin, –B. Ysqaqov.
Alǵys tilekterin aty ańyzǵa ainalǵan «paravoz apa» - Altynai Esbolatova jáne basqa da ardagerler bildirip, batalaryn berdi.
Munan ári saltanatty shara merekelik túski aspen jalǵasty. Oǵan oblystyń túkpir-túkpirinen 150 ardager men tyl eńbekkeri qatysty. Olardyń árqaisysyna gúl shoqtary men syilyqtar tabys etildi.
Almaty oblysy ákiminiń baspasóz qyzmeti
