Qaiyrymdylyq qory «30 kúnde 30 baspana» jobasyn qolǵa alǵan edi. Atalǵan qaiyrly istiń shapaǵatyn Eskeldi aýdany, Qarabulaq aýylynyń turǵyndary kórip otyr.
Eskeldilik Qýanbai Asylbek pen Hojý Barshagúl 6 balanyń ata-anasy. Olar taǵdyrdyń taýqymetin bir kisidei kórgen jandar.«Balamnyń tabanyna kirgen sheńgel, meniń mańdaiyma qadalsyn» deitin ata-ana úshin baýyr eti balasynyń dertpen alparysýyn kórgennen artyq azap joq.
Olardyń bir balasy meditsina tilimen aitqanda «DTsP» iaǵni, tserebraldi sal aýrýymen aýyrady. Balasynyń emine, nemese pana bolar kúrkege qarjy jinaryn bilmei del-sal bolǵan januiaǵa atymtai jomart azamattar kómek kórsetti.
Anar SABYROVA, Almaty oblysy
