I. Jansúgirov atyndaǵy Jetisý ýniversitetinde Zań men tártip qaǵidasy aiasynda «Kino men teatrdaǵy zań beinesi: qoǵam ainasy» atty mazmundy kezdesý ótti. Tanymdyq is-sharaǵa Jetisý oblysynyń mádeniet, arhivter jáne qujattama basqarmasynyń basshysy Qýanysh Súleimenov, Qazaqstannyń halyq ártisi, Qazaqstannyń eńbek sińirgen ártisi, Qazaqstan Respýblikasy Memlekettik syilyǵynyń laýreaty Gúljamal Qazaqbaeva, sondai-aq Ǵ.Músirepov atyndaǵy Qazaq memlekettik akademiialyq balalar men jasóspirimder teatrynyń aktery, ánshi Maqsat Rahmet arnaiy qonaq retinde qatysty, dep habarlaidy Dalanews.kz.
Kezdesý barysynda kino men teatr ónerindegi zań taqyrybynyń kórinisi, onyń qoǵamǵa áseri, ádildik pen quqyqtyq mádenietti qalyptastyrýdaǵy róli keńinen aityldy. Qonaqtar ózderiniń shyǵarmashylyq jolyndaǵy tájiribelerimen bólisip, óner arqyly qoǵamdaǵy ózekti máselelerdi jetkizýdiń mańyzdylyǵyna toqtaldy. Sonymen qatar, sahna men ekrandaǵy keiipkerler beinesi arqyly zań men tártiptiń mánin ashý joldary týraly oi-pikirlerin ortaǵa saldy.
Stýdentter tarapynan qoiylǵan suraqtar qonaqtardyń ashyq ári tereń jaýaptarymen jalǵasyn taýyp, erkin pikir almasý alańyna ulasty. Jastar kókeiindegi kóptegen suraqtarynyń jaýabyn taýyp, kásibi baǵyt-baǵdar jóninde paidaly keńester aldy. Kezdesý barysynda qonaqtar shynaiy ári áserli suhbat quryp, qatysýshylarǵa erekshe rýhani áser syilady.
Is-shara sońynda Maqsat Rahmet ásem án oryndap, keshtiń kórkin qyzdyra tústi. Kezdesý joǵary deńgeide uiymdastyrylyp, stýdentter úshin taǵylymy mol, áserli ári este qalarlyqtai shara boldy.
