2025 jylǵy 27-28 naýryz aralyǵynda I.Jansúgirov atyndaǵy Jetisý ýniversitetiniń ókilderi Smagýlova S.A. men Isataeva Á.A. Mońǵoliianyń Baian-Ólgei aimaǵynyń ortalyǵy Ólgei qalasynda alǵash ret QR Syrtqy ister ministrligi men Otandastar qorymen birlesip uiymdastyrylǵan joǵary oqý oryndarynyń «Mońǵoliiadaǵy Qazaqstandyq bilim kúnderi» kórmesine qatysty, dep habarlaidy Dalanews.kz
20-ǵa jýyq QR JOO-nyń qatysýymen ótken bilim kórmesi barysynda ýniversitet ókilderi 1500-den astam mektep bitirýshi túlekke joǵary oqý oryndarynyń artyqshylyqtary, bilim berý baǵdarlamalary, qos diplomdy bilim berý baǵdarlamalary, akademiialyq utqyrlyq, oqý júiesi týraly málimetter usynyp, mamandyq tańdaýǵa qatysty aqparattyq túsindirme jumystaryn júrgizdi. Sonymen qatar, ýniversitetimizdiń zamanaýi infraqurylymy men sheteldik stýdentter úshin jasalǵan jeńildikter týraly aqparattar berilip, shara sońynda talapkerlerge ýniversitettiń imidjdik ónimderi usynyldy.
Is-sharanyń basty maqsaty – sheteldik azamattardy, onyń ishinde Mońǵoliia jastaryn, Qazaqstannyń joǵary oqý oryndaryna, sonyń ishinde Jetisý ýniversitetinde bilim alýǵa yntalandyrý. Jetisý ýniversiteti – sapaly bilim beretin, zamanaýi infraqurylymǵa ie jáne halyqaralyq deńgeide tájiribe almasýǵa múmkindik beretin oqý orny. Bul stýdentterge álemdik bilim berý júiesine beiimdelip, kásibi biliktilikterin arttyrýǵa jol ashady.
«Bilim kórmesine qatysý – bul tek ýniversitetimizdi tanystyrý ǵana emes, sonymen qatar Mońǵoliianyń daryndy jastaryna joǵary bilim alý múmkindikterin usyný. Biz úshin bul shara óte mańyzdy, sebebi Jetisý ýniversiteti Mońǵoliia jastaryna halyqaralyq deńgeide sapaly bilim alyp, óz bolashaǵyn jarqyn etýge múmkindik beredi», - dedi ýniversitet ókili Ásel Isataeva.
Jetisý ýniversiteti Mońǵoliia jastaryn sapaly bilim alýǵa shaqyra otyryp, olardy halyqaralyq deńgeide bilim alý múmkindigimen tanystyrýdy maqsat etedi. Oqý ordasynyń zamanaýi infraqurylymy, bilim berý júiesi, joǵary bilikti oqytýshylar quramy jáne akademiialyq utqyrlyq baǵdarlamalary Mońǵoliia stýdentterine úlken múmkindikter usynady.
