Memleket basshysy Qasym-Jomart Toqaev jýyrda jariialanǵan «Qazaqstan jańǵyrýdyń jańa kezeńine qadam basty» atty suhbatynda Qazaqstannyń tsifrlyq derjavaǵa ainalýy – ýaqyt talaby dep, jasandy intellekt pen tsifrlyq tehnologiialar el damýynyń quramdas bóligi ǵana emes, ulttyq básekege qabilettiliktiń berik negizi ekenin airyqsha atap ótti, dep habarlaidy Dalanews.kz
Qazirgi tańda tsifrlandyrý ekonomika, memlekettik basqarý jáne qoǵam ómiriniń barlyq salasyna tereń enip, ulttyq damýdyń strategiialyq faktoryna ainalyp otyr.
Jetisý ýniversiteti tirek joǵary oqý orny retinde óńirdegi bilim berýdiń tsifrlyq ekojúiesin qalyptastyrýda jetekshi ról atqarady. Ýniversitette elimizdiń ǵylymi-tehnologiialyq áleýetin arttyrýǵa, sondai-aq, eńbek naryǵynda suranysqa ie IT jáne jasandy intellekt salasynyń bilikti kadrlaryn daiarlaýǵa baǵyttalǵan keshendi jumystar júzege asyrylýda.
Qazirgi tańda Jasandy intellekt baǵyty boiynsha 7 bilim berý baǵdarlamasy júzege asyrylyp, onda 6805 stýdent oqydy. Huawei platformasynda 6 000-nan astam, Coursera platformasy arqyly 7 427 tyńdaýshy bilim aldy. Sonymen qatar 367 pedagog jasandy intellekt salasy boiynsha biliktiligin arttyrdy. Stýdentter «Jas ǵalym», «StartUp» baǵdarlamalary men jalpyýniversitettik konkýrstar aiasynda jobalar ázirlep, kompiýterlik jeliler, jasandy intellekt, virtýaldy shyndyq, robototehnika jáne mehatronika zerthanalarynda prototipter jasaidy.
Qazirgi tańda ýniversitette 5 JI-agent ázirlenip, engizildi. Olar: «ZU Connect», «ZU AI Game Studio», «ZU Mýltimedia», «ZU Smart Zhetysu tsifrlyq platformasynyń kómekshisi» jáne «ZU Aurora» daýystyq kómekshisi. Aldaǵy ýaqytta «AI-Enabled University» tujyrymdamasy aiasynda jańa JI-agentterdi ázirleý josparlanyp otyr.
Daryndy jastardyń shyǵarmashylyq jáne tehnikalyq áleýetin damytý maqsatynda «AI-Sana Jetisý ýniversiteti stýdentteriniń kózqarasymen: úirenemiz, jasaimyz, bolashaqty ózgertemiz» taqyrybynda konkýrs jariialandy. Konkýrstyń maqsaty – stýdentter arasynda jasandy intellekt quraldaryn keńinen nasihattaý, úzdik jobalardy anyqtap, qoldaý kórsetý.
Ýniversitette ázirlengen «Smart Zhetysu» tsifrlyq platformasy negizgi úderisterdi tsifrlandyrýǵa, avtomattandyrýǵa jáne ońtailandyrýǵa baǵyttalǵan. Bul platforma arqyly bilim alýshylar onlain rejimde jataqhanadan oryn alý, aýysý, apelliatsiia, jazǵy semestr, akademiialyq demalys, oqýdan shyǵarý, bos bilim berý granttary konkýrsyna qatysý boiynsha ótinish bere alady, sondai-aq «one click» formatynda túrli anyqtamalar alady.
Oqytýshylar men qyzmetkerler úshin jeke kabinetter, korporativtik messendjer, ǵylymi qyzmetti josparlaý jáne esepke alý quraldary qoljetimdi. Elektrondyq kitaphana men katalogqa erkin qol jetkizý qamtamasyz etilgen. «Smart Zhetysu» platformasy únemi jetildirilip otyrady. Bul kórsetkishter jasandy intellektini meńgerýdiń aiqyn dáleli.
Memleket basshysy Qasym-Jomart Toqaevtyń tikelei bastamasymen 2026 jyl «Tsifrlandyrý jáne jasandy intellekt jyly» dep jariialandy.
Bul sheshim elimizdiń barlyq salasynda, sonyń ishinde bilim men ǵylymda jasandy intellekt tehnologiialaryn keńinen engizýdi jedeldetýge baǵyttalǵan mańyzdy qadam bolyp otyr.
Bul tájiribe elimizdegi ýniversitetterdiń bilim berý júiesin jańǵyrtyp, stýdentterdiń múmkindikterin keńeitip, joǵary bilimniń transformatsiiasyna naqty serpin beredi.
Jetisý ýniversiteti bilim berý men ǵylymdaǵy belsendiligin arttyryp, jasandy intellekt arqyly joǵary bilimniń jańa dáýirine jol salýda.
