مەملەكەت باسشىسى قاسىم-جومارت توقايەۆ جۋىردا جاريالانعان «قازاقستان جاڭعىرۋدىڭ جاڭا كەزەڭىنە قادام باستى» اتتى سۇحباتىندا قازاقستاننىڭ سيفرلىق دەرجاۆاعا اينالۋى – ۋاقىت تالابى دەپ، جاساندى ينتەللەكت پەن سيفرلىق تەحنولوگيالار ەل دامۋىنىڭ قۇرامداس بولىگى عانا ەمەس، ۇلتتىق باسەكەگە قابىلەتتىلىكتىڭ بەرىك نەگىزى ەكەنىن ايرىقشا اتاپ ءوتتى، دەپ حابارلايدى Dalanews.kz
قازىرگى تاڭدا سيفرلاندىرۋ ەكونوميكا، مەملەكەتتىك باسقارۋ جانە قوعام ءومىرىنىڭ بارلىق سالاسىنا تەرەڭ ەنىپ، ۇلتتىق دامۋدىڭ ستراتەگيالىق فاكتورىنا اينالىپ وتىر.
جەتىسۋ ۋنيۆەرسيتەتى تىرەك جوعارى وقۋ ورنى رەتىندە وڭىردەگى ءبىلىم بەرۋدىڭ سيفرلىق ەكوجۇيەسىن قالىپتاستىرۋدا جەتەكشى ءرول اتقارادى. ۋنيۆەرسيتەتتە ەلىمىزدىڭ عىلىمي-تەحنولوگيالىق الەۋەتىن ارتتىرۋعا، سونداي-اق، ەڭبەك نارىعىندا سۇرانىسقا يە IT جانە جاساندى ينتەللەكت سالاسىنىڭ بىلىكتى كادرلارىن دايارلاۋعا باعىتتالعان كەشەندى جۇمىستار جۇزەگە اسىرىلۋدا.
قازىرگى تاڭدا جاساندى ينتەللەكت باعىتى بويىنشا 7 ءبىلىم بەرۋ باعدارلاماسى جۇزەگە اسىرىلىپ، وندا 6805 ستۋدەنت وقىدى. Huawei پلاتفورماسىندا 6 000-نان استام، Coursera پلاتفورماسى ارقىلى 7 427 تىڭداۋشى ءبىلىم الدى. سونىمەن قاتار 367 پەداگوگ جاساندى ينتەللەكت سالاسى بويىنشا بىلىكتىلىگىن ارتتىردى. ستۋدەنتتەر «جاس عالىم»، «StartUp» باعدارلامالارى مەن جالپىۋنيۆەرسيتەتتىك كونكۋرستار اياسىندا جوبالار ازىرلەپ، كومپيۋتەرلىك جەلىلەر، جاساندى ينتەللەكت، ۆيرتۋالدى شىندىق، روبوتوتەحنيكا جانە مەحاترونيكا زەرتحانالارىندا پروتوتيپتەر جاسايدى.
قازىرگى تاڭدا ۋنيۆەرسيتەتتە 5 جي-اگەنت ازىرلەنىپ، ەنگىزىلدى. ولار: «ZU Connect»، «ZU AI Game Studio»، «ZU مۋلتيمەديا»، «ZU Smart Zhetysu سيفرلىق پلاتفورماسىنىڭ كومەكشىسى» جانە «ZU Aurora» داۋىستىق كومەكشىسى. الداعى ۋاقىتتا «AI-Enabled University» تۇجىرىمداماسى اياسىندا جاڭا جي-اگەنتتەردى ازىرلەۋ جوسپارلانىپ وتىر.
دارىندى جاستاردىڭ شىعارماشىلىق جانە تەحنيكالىق الەۋەتىن دامىتۋ ماقساتىندا «AI-Sana جەتىسۋ ۋنيۆەرسيتەتى ستۋدەنتتەرىنىڭ كوزقاراسىمەن: ۇيرەنەمىز، جاسايمىز، بولاشاقتى وزگەرتەمىز» تاقىرىبىندا كونكۋرس جاريالاندى. كونكۋرستىڭ ماقساتى – ستۋدەنتتەر اراسىندا جاساندى ينتەللەكت قۇرالدارىن كەڭىنەن ناسيحاتتاۋ، ۇزدىك جوبالاردى انىقتاپ، قولداۋ كورسەتۋ.
ۋنيۆەرسيتەتتە ازىرلەنگەن «Smart Zhetysu» سيفرلىق پلاتفورماسى نەگىزگى ۇدەرىستەردى سيفرلاندىرۋعا، اۆتوماتتاندىرۋعا جانە وڭتايلاندىرۋعا باعىتتالعان. بۇل پلاتفورما ارقىلى ءبىلىم الۋشىلار ونلاين رەجيمدە جاتاقحانادان ورىن الۋ، اۋىسۋ، اپەللياسيا، جازعى سەمەستر، اكادەميالىق دەمالىس، وقۋدان شىعارۋ، بوس ءبىلىم بەرۋ گرانتتارى كونكۋرسىنا قاتىسۋ بويىنشا ءوتىنىش بەرە الادى، سونداي-اق «one click» فورماتىندا ءتۇرلى انىقتامالار الادى.
وقىتۋشىلار مەن قىزمەتكەرلەر ءۇشىن جەكە كابينەتتەر، كورپوراتيۆتىك مەسسەندجەر، عىلىمي قىزمەتتى جوسپارلاۋ جانە ەسەپكە الۋ قۇرالدارى قولجەتىمدى. ەلەكتروندىق كىتاپحانا مەن كاتالوگقا ەركىن قول جەتكىزۋ قامتاماسىز ەتىلگەن. «Smart Zhetysu» پلاتفورماسى ۇنەمى جەتىلدىرىلىپ وتىرادى. بۇل كورسەتكىشتەر جاساندى ينتەللەكتىنى مەڭگەرۋدىڭ ايقىن دالەلى.
مەملەكەت باسشىسى قاسىم-جومارت توقايەۆتىڭ تىكەلەي باستاماسىمەن 2026 جىل «سيفرلاندىرۋ جانە جاساندى ينتەللەكت جىلى» دەپ جاريالاندى.
بۇل شەشىم ەلىمىزدىڭ بارلىق سالاسىندا، سونىڭ ىشىندە ءبىلىم مەن عىلىمدا جاساندى ينتەللەكت تەحنولوگيالارىن كەڭىنەن ەنگىزۋدى جەدەلدەتۋگە باعىتتالعان ماڭىزدى قادام بولىپ وتىر.
بۇل تاجىريبە ەلىمىزدەگى ۋنيۆەرسيتەتتەردىڭ ءبىلىم بەرۋ جۇيەسىن جاڭعىرتىپ، ستۋدەنتتەردىڭ مۇمكىندىكتەرىن كەڭەيتىپ، جوعارى ءبىلىمنىڭ ترانسفورماسياسىنا ناقتى سەرپىن بەرەدى.
جەتىسۋ ۋنيۆەرسيتەتى ءبىلىم بەرۋ مەن عىلىمداعى بەلسەندىلىگىن ارتتىرىپ، جاساندى ينتەللەكت ارقىلى جوعارى ءبىلىمنىڭ جاڭا داۋىرىنە جول سالۋدا.
