«Jetisý óńirindegi bosqynshylyq: tarihy men metodologiialyq máseleleri» atty ádistemelik seminar ótti
Seminar jumysy institýttyń direktory t.ǵ.d. QR UǴA korrespondent múshesi Z.E. Qabyldinovtyń kirispe sózimen ashyldy. Is-shara moderatory institýttyń Tarihnama, derektaný jáne zamanaýi metodologiia bóliminiń bas ǵylymi qyzmetkeri, t.ǵ.d., professor O.H. Muhatova boldy.
Baiandamashy Sh.B. Tleýbaev «Qazaqstan tarihyndaǵy eń ózekti taqyryptardyń biri - bosqyndar. Máseleniń jekelegen aspektileri ǵylymi ádebietterde tek táýelsizdik jyldarynda ǵana kórinis tapty. Alaida Jetisýdaǵy bosqyndar tarihynda zerttelmegen aspektiler bar, olardy qarastyrý qajet. Ony zertteýdiń ádisnamalyq tásilderi eń kúrdeli ǵylymi problemalardyń biri bolyp tabylady. Osyǵan bailanysty seminarda Resei imperiiasynyń otarshyldyq kezeńindegi jáne Keńes ókimeti kezindegi Jetisýdaǵy bosqyndardyń tarihyna sholý (XIX ǵasyrdyń ekinshi jartysy - XX ǵasyrdyń 30-jyldarynyń basy), ǵylymi ainalymǵa qaita engizilgen derekter men materialdardyń negizinde uqsastyqtar men jalpy problemalar, erekshelikteri jańa kózqarastar turǵysynan taldanatyn bolady», - dep atap ótti.
Jetisý óńirindegi bosqynshylyqtyń sebepterin, barysy men saldaryn obektivti zertteý Qazaqstannyń kóp tomdyq tarihyn daiyndaý úshin mańyzdy mánge ie. Jetisýdaǵy bosqyndardyń ótkenin zertteýdiń ádisnamalyq baǵyttaryn anyqtaý otandyq tarih ǵylymynyń damýyna yqpal etetinin jetkizdi.
Seminarǵa Abai atyndaǵy Qazaq Ulttyq pedagogika ýniversitetiniń jáne Ál Farabi atyndaǵy Qazaq Ulttyq ýniversitetiniń jetekshi ǵalymdary, institýttyń ǵylymi qyzmetkerleri, magistranttar men doktoranttar qatysty.
Institýttyń bas ǵylymi qyzmetkeri tarih ǵylymynyń kandidaty, professor Q.S. Aldajumanov seminar sońynda sóz alyp, bosqynshylar máselesi jaily óz oilarymen bólisti. Sóz barysynda óziniń arhivterde otyryp, bosqynshylarǵa qatysty tyń ári ózekti qujattarmen tanysqanyn jáne bul taqyryptyń Qazaqstan tarihyndaǵy mańyzdylyǵyn atap ótti.
Sonymen qatar seminarǵa qatysýshy Abai atyndaǵy QazUPÝ oqytýshylary t.ǵ.k. Meńlibaev Ǵ., Ermuqanov E.Sh. Ýálihanov atyndaǵy Tarih jáne etnologiia institýtynyń jetekshi ǵylymi qyzmetkeri, t.ǵ.k. A.Qaipbaeva, t.b. óz oilarymen bólisti.
Seminar sońynda sharaǵa qatysýshylar tarapynan usynystar aitylyp, baiandamashylarǵa rizashylyqtaryn bildirdi.
Almagúl BEKENOVA, Sh.Sh.Ýəlihanov atyndaǵy Tarih jəne etnologiia institýtynyń kishi ǵylymi qyzmetkeri, tarih magistri
