Jetisý oblysynda aldaǵy ýaqytta jom óńdeitin zaýyt salynýy múmkin. Birqatar qytailyq kompaniia ókilderi oblys basshylyǵyna osyndai usynys bildirdi. Áleýetti investorlarmen oblys ákiminiń orynbasary Áset Qanaǵatov kezdesti,– dep habarlaidy Dalanews.kz Jetisý oblysy ákiminiń baspasóz qyzmetine silteme jasap.
Basqosýda jobalaryn tanystyrǵan investorlar aimaqta qant qyzylshasynyń jomynan mal azyǵyn shyǵaratyn zaýyt ashqysy keletinin jetkizdi. Eger kásiporyn salynsa, onda ol óndirgen joǵary sapaly ónimder jergilikti naryqta satylyp, eksportqa da shaǵyratylatyn bolady. Aimaqtaǵy eki qant zaýytymen yntymaqtastyq artýdy kózdeitin jobaǵa 10 million AQSh dollary kóleminde investitsiia tartý josparlanyp otyr. Investor-kompaniialardyń aitýynsha, kásiporynda jumystyń basym bóligi avtomattandyrylady. Eń bastysy ekologiialyq taza ónim shyǵarylyp, 30-40 adam jumyspen qamtymaq. Joba sátti júzege asý úshin Aqsý qant zaýytynan alatyn shikizatty keptiretin alań salyp, Kóksý qant zaýytymen iskerlik bailanys ornatý qajet. Kásipkerler budan bólek, aldaǵy ýaqytta júgeri men jońyshqa óńdep, mal azyǵyn óndirý de josparda baryn jetkizdi.
– Áleýetti investorlarmen biz «qadam-qadammen» printsipi boiynsha jumys isteimiz. Ózderińizben búgingi kezdesýimiz – alǵashqy mańyzdy qadamnyń biri. Jetisý agrarly aimaq bolǵandyqtan, biz aýyl sharýashylyǵy ónimderin tereń óńdeýge qatysty jobalarǵa erekshe qyzyǵýshylyq tanytamyz. Óńirimiz úshin qant qyzylshasy basym daqyl ekeni belgili. Biyl 550 myń tonna tátti túbir alamyz dep josparlap otyrmyz. Eger qant qyzylshasy ónimin jinaǵansha barlyq máseleni birlesip sheshsek, qaldyqsyz óndiris ornyn ashamyz. Biz mańyzdy investitsiialyq jobany júzege asyrýda zańǵa sáikes óz tarapymyzdan tiisti qoldaý kórsetemiz. Sizderden naqty merzimderi, óndiris kólemi kórsetilgen jáne barlyq qajetti qujattamalary bar egjei-tegjeili joba kútemiz, – dedi Á.Qanaǵatov.
Kezdesýdi qorytyndylai kele, qos tarap jańa kásiporyndy logistika jaǵynan qolaily, barlyq infraqurylymmen qamtamasyz etilgen «Taldyqorǵan» indýstrialdy aimaǵynyń aýmaǵynda salý múmkindigin qarastyrýǵa kelisti.
