Búgin Taldyqorǵandaǵy Til saraiynda veterinariia qyzmetkerleri kúnine arnalǵan merekelik jiyn ótip, onda sala eńbekkerleri marapattaldy. Sol siiaqty aýdan-qalalardaǵy veterinarlyq stantsiialarǵa avtokólikterdiń kilti tapsyryldy,- dep habarlaidy Dalanews.kz
Mal dárigerlerin kásibi merekelerimen quttyqtaǵan oblys ákiminiń birinshi orynbasary Álibek Jaqanbaev veterinariianyń el ómirindegi mańyzyna toqtalyp, sala qyzmetkerlerine alǵysyn jetkizdi.
– Memleket basshysy Qasym-Jomart Toqaev Qazaqstan halqyna Joldaýynda «Mal basynyń amandyǵy jáne ónimdiligi jergilikti veterinarlardyń tiimdi jumysyna bailanysty. Bul, túptep kelgende, aýyldaǵy aǵaiynnyń ál-aýqatyna tikelei áser etedi» dep atap ótti. Veterinariia qyzmeti qazirgi zaman talabyna sai bolmasa, aýyl sharýashylyǵynyń ónimdiligin arttyrý múmkin emes. Sondyqtan osy salada júieli jumys atqarylýy tiis. Bul rette oblys ákimdigi tarapynan veterinariia salasynyń materialdyq-tehnikalyq jaǵdaiyn jaqsartýǵa turaqty túrde kóńil bólinip keledi. Jyl basynan oblysta tórt túlik mal sany 4%-ǵa ósip, 2,8 millionǵa jetti. Bul oraida veterinar mamandardyń eńbegi zor, – dedi Álibek Áskerbekuly.
Óz kezeginde oblystyq veterinariia basqarmasynyń basshysy Nurlan Jamaýbaev sóz sóilep, salada atqarylyp jatqan jumystar jaily baiandady. Onyń aitýynsha, oblys aýmaǵynda jyl basynan janýarlardyń asa qaýipti aýrýlarynyń qolaisyz oshaǵy tirkelmegen. Aimaqta 129 sibir jarasy kómindileri ornalasqan, búginde bekitilgen talapqa sai ol tolyq qorshalyp, eskertpe belgileri qoiylǵan. Atalǵan 129 nysannyń bári «Jyljymaityn múliktiń biryńǵai memlekettik kadastrlyq kartasyna» engizilgen. Sondai-aq, adam men janýarǵa ortaq aýrýlardyń aldyn alýda sapaly jumystar atqarylyp, nátijesinde aýrý oshaqtary azaiǵan. Búgingi tańǵa oblys aýmaǵynda epizootiialyq ahýal turaqty jáne únemi baqylaýda.
Jiynda veterinariia salasynyń damýyna úles qosyp, eseli eńbek etip júrgen bir top qyzmetkerge qurmet kórsetildi. Máselen, oblystyq aýmaqtyq inspektsiiasynyń tamaq ónimderiniń qaýipsizdigi bóliminiń bas mamany Gúlzira Dáýletbekqyzyna «Eńbek ardageri» medali tapsyrylsa, taǵy bir top azamat oblys ákiminiń Qurmet gramotasy men Alǵys hatyn ielendi. Sonymen qatar «Veterinariianyń qurmetti qyzmetkeri», «Eńbek adamy» medaldaryn alǵandar da bar.
Buǵan qosa, veterinariialyq pýnktteri bar Aqsý, Alakól, Eskeldi, Qaratal, Kerbulaq, Kóksý, Panfilov, Sarqan aýdandary men Tekeli, Taldyqorǵan qalalaryndaǵy veterinariialyq stantsiiasy mekemelerine «Niva» markaly 10 avtokóliktiń, Alakól aýdanyna jyljymaly insineratordyń kilti tabys etildi.
