Jetisý oblysynda «Taldyqorǵan – Úshtóbe» avtojoly rekonstrýktsiialanyp, keńeitiledi. Bul týraly Jetisý oblysynyń ákimi Beibit Isabaevtyń Qaratal aýdany turǵyndarymen kezdesýi barysynda aityldy,- dep habarlaidy Dalanews.kz Jetisý oblysy ákiminiń baspasóz qyzmetine silteme jasap.
Belgili bolǵandai, óńir basshysynyń tapsyrmasyna sáikes oblystyq mańyzy bar atalmysh avtojoldy rekonstrýktsiialaýdyń jobalyq-smetalyq qujaty ázirlenetin bolady. Josparǵa sai jóndeý jumystary 0-22 km jáne 22-48 km aralyǵynda eki kezeńde júrgiziledi. Atap óterligi, rekonstrýktsiialaýdan keiin joldyń qazirgi qoldanystaǵy bóliginiń eni 7 metrden 9 metrge deiin ulǵaitylady.
Eske salsaq, bul jol 2013-2014 jyldary jóndelgen, jol qozǵalysynyń qaýipsizdigin qamtamasyz etý maqsatynda oǵan jyl saiyn aǵymdaǵy jóndeý jumystary júrgizilip kelgen.
- Jol infraqurylymy – halyqtyń turmysyna, óńirdiń ekonomikalyq ósýine yqpal etetin mańyzdy baǵyt. Ótken jyly uzaq jyldar jóndeý kórmegen oblystyq mańyzy bar 176 shaqyrym «Úshtóbe-Kópbirlik» avtomobil joly turǵyndardyń ótinishine orai tolyq jóndelip, paidalanýǵa berildi. Endigi kezekte eldi mekenderdiń jergilikti mańyzy bar joldary kezeń-kezeńimen jóndeletin bolady, - dedi Beibit Isabaev.
Qazirgi kezde oblystyq mańyzy bar «Úshtóbe-Ortatóbe» jáne «Úshtóbe-Strela» baǵytyndaǵy avtomobil joldarynda ornalasqan kópirlerge qaita jańǵyrtý jumystary júrgizilýde, qurylys jumystary qarasha aiynda aiaqtalýy tiis. Sonymen qatar 9 eldi mekende jalpy uzyndyǵy 13,2 km bolatyn 19 kóshe joly ortasha jóndeýden ótkizilýde. Qazirgi kezeńde jóndeý jumystary Úshtóbe qalasynda, Qarasheńgel, Tastóbe, Jańatalap aýyldarynda aiaqtaldy, al Almaly, Bastóbe, Ortatóbe, Dostyq, Kókpekti aýyldaryndaǵy jol jóndeý qarasha aiynda tolyq aiaqtalmaq.
