جەتٸسۋ وبلىسىندا «تالدىقورعان – ٷشتٶبە» اۆتوجولى رەكونسترۋكتسييالانىپ, كەڭەيتٸلەدٸ. بۇل تۋرالى جەتٸسۋ وبلىسىنىڭ ەكٸمٸ بەيبٸت يساباەۆتىڭ قاراتال اۋدانى تۇرعىندارىمەن كەزدەسۋٸ بارىسىندا ايتىلدى,- دەپ حابارلايدى Dalanews.kz جەتٸسۋ وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
بەلگٸلٸ بولعانداي, ٶڭٸر باسشىسىنىڭ تاپسىرماسىنا سەيكەس وبلىستىق ماڭىزى بار اتالمىش اۆتوجولدى رەكونسترۋكتسييالاۋدىڭ جوبالىق-سمەتالىق قۇجاتى ەزٸرلەنەتٸن بولادى. جوسپارعا ساي جٶندەۋ جۇمىستارى 0-22 كم جەنە 22-48 كم ارالىعىندا ەكٸ كەزەڭدە جٷرگٸزٸلەدٸ. اتاپ ٶتەرلٸگٸ, رەكونسترۋكتسييالاۋدان كەيٸن جولدىڭ قازٸرگٸ قولدانىستاعى بٶلٸگٸنٸڭ ەنٸ 7 مەتردەن 9 مەترگە دەيٸن ۇلعايتىلادى.
ەسكە سالساق, بۇل جول 2013-2014 جىلدارى جٶندەلگەن, جول قوزعالىسىنىڭ قاۋٸپسٸزدٸگٸن قامتاماسىز ەتۋ ماقساتىندا وعان جىل سايىن اعىمداعى جٶندەۋ جۇمىستارى جٷرگٸزٸلٸپ كەلگەن.
- جول ينفراقۇرىلىمى – حالىقتىڭ تۇرمىسىنا, ٶڭٸردٸڭ ەكونوميكالىق ٶسۋٸنە ىقپال ەتەتٸن ماڭىزدى باعىت. ٶتكەن جىلى ۇزاق جىلدار جٶندەۋ كٶرمەگەن وبلىستىق ماڭىزى بار 176 شاقىرىم «ٷشتٶبە-كٶپبٸرلٸك» اۆتوموبيل جولى تۇرعىنداردىڭ ٶتٸنٸشٸنە وراي تولىق جٶندەلٸپ, پايدالانۋعا بەرٸلدٸ. ەندٸگٸ كەزەكتە ەلدٸ مەكەندەردٸڭ جەرگٸلٸكتٸ ماڭىزى بار جولدارى كەزەڭ-كەزەڭٸمەن جٶندەلەتٸن بولادى, - دەدٸ بەيبٸت يساباەۆ.
قازٸرگٸ كەزدە وبلىستىق ماڭىزى بار «ٷشتٶبە-ورتاتٶبە» جەنە «ٷشتٶبە-سترەلا» باعىتىنداعى اۆتوموبيل جولدارىندا ورنالاسقان كٶپٸرلەرگە قايتا جاڭعىرتۋ جۇمىستارى جٷرگٸزٸلۋدە, قۇرىلىس جۇمىستارى قاراشا ايىندا اياقتالۋى تيٸس. سونىمەن قاتار 9 ەلدٸ مەكەندە جالپى ۇزىندىعى 13,2 كم بولاتىن 19 كٶشە جولى ورتاشا جٶندەۋدەن ٶتكٸزٸلۋدە. قازٸرگٸ كەزەڭدە جٶندەۋ جۇمىستارى ٷشتٶبە قالاسىندا, قاراشەڭگەل, تاستٶبە, جاڭاتالاپ اۋىلدارىندا اياقتالدى, ال المالى, باستٶبە, ورتاتٶبە, دوستىق, كٶكپەكتٸ اۋىلدارىنداعى جول جٶندەۋ قاراشا ايىندا تولىق اياقتالماق.
