2025 jyldyń 17 maýsymynda Taldyqorǵan qalasynda Ulttyq kinony qoldaý memlekettik ortalyǵynyń uiymdastyrýymen «Qazaq kinosynyń onkúndigi» mádeni jobasy bastaldy,- dep habarlaidy Dalanews.kz
Is-sharanyń ashylý saltanaty I. Jansúgirov atyndaǵy Mádeniet saraiynda ótti. Joba aiasynda halqymyzdyń dańqty uly Qajymuqan Muńaitpasovtyń ómir joly men jarqyn jetistikteri kórkem beinelengen «Qajymuqan» filmi usynyldy. Film QR Mádeniet jáne aqparat ministrligi men Ulttyq kinony qoldaý ortalyǵynyń qoldaýymen túsirilgen.
Kino kúnderi aiasynda ártúrli janrdaǵy filmder kórsetiledi. Kórnekti tulǵalardyń júrip ótken jolyn beineleitin «Jambyl. Jańa dáýir», «Dos-Muqasan» filmderi, otanǵa degen súiispenshilikti pen áskeri qyzmetkerlerdiń ómirin baiandaityn «Nabat operatsiiasy», «Patriottar ýaqyty» týyndylary kórermenge jol tartady.
Sonymen qatar dástúr men ult bolmysyn ashyp kórsetetin «Baýyryna salý» filmi de kórsetiledi. Jobanyń maqsaty – otandyq týyndylardy keńinen tanystyryp, aýyl-aimaq turǵyndaryna ulttyq kinonyń jańarǵan kelbetin kórsetý.
Buǵan deiin mundai kórsetilimder Qaraǵandy, Jambyl, Soltústik jáne Batys Qazaqstan oblystarynda ótken bolatyn.
