2025 جىلدىڭ 17 ماۋسىمىندا تالدىقورعان قالاسىندا ۇلتتىق كينونى قولداۋ مەملەكەتتىك ورتالىعىنىڭ ۇيىمداستىرۋىمەن «قازاق كينوسىنىڭ ونكۇندىگى» مادەني جوباسى باستالدى،- دەپ حابارلايدى Dalanews.kz

ءىس-شارانىڭ اشىلۋ سالتاناتى ءى. جانسۇگىروۆ اتىنداعى مادەنيەت سارايىندا ءوتتى. جوبا اياسىندا حالقىمىزدىڭ داڭقتى ۇلى قاجىمۇقان مۇڭايتپاسوۆتىڭ ءومىر جولى مەن جارقىن جەتىستىكتەرى كوركەم بەينەلەنگەن «قاجىمۇقان» ءفيلمى ۇسىنىلدى. فيلم ق ر مادەنيەت جانە اقپارات مينيسترلىگى مەن ۇلتتىق كينونى قولداۋ ورتالىعىنىڭ قولداۋىمەن تۇسىرىلگەن.

كينو كۇندەرى اياسىندا ءارتۇرلى جانرداعى فيلمدەر كورسەتىلەدى. كورنەكتى تۇلعالاردىڭ ءجۇرىپ وتكەن جولىن بەينەلەيتىن «جامبىل. جاڭا ءداۋىر»، «دوس-مۇقاسان» فيلمدەرى، وتانعا دەگەن سۇيىسپەنشىلىكتى پەن اسكەري قىزمەتكەرلەردىڭ ءومىرىن باياندايتىن «نابات وپەراسياسى»، «پاتريوتتار ۋاقىتى» تۋىندىلارى كورەرمەنگە جول تارتادى.

سونىمەن قاتار ءداستۇر مەن ۇلت بولمىسىن اشىپ كورسەتەتىن «باۋىرىنا سالۋ» ءفيلمى دە كورسەتىلەدى. جوبانىڭ ماقساتى – وتاندىق تۋىندىلاردى كەڭىنەن تانىستىرىپ، اۋىل-ايماق تۇرعىندارىنا ۇلتتىق كينونىڭ جاڭارعان كەلبەتىن كورسەتۋ.

بۇعان دەيىن مۇنداي كورسەتىلىمدەر قاراعاندى، جامبىل، سولتۇستىك جانە باتىس قازاقستان وبلىستارىندا وتكەن بولاتىن.