Jetisý oblysynda «Jańarý kúni» bulaqtyń kózin ashý men aǵash egýden bastaldy. Taldyqorǵanda ótken bul ekologiialyq sharaǵa oblys ákimi Beibit Isabaev, ardagerler, erikti jastar, úkimettik emes uiymdardyń ókilderi, túrli mekemelerdiń ujymdary, qala turǵyndary qatysty. Jalpy Naýryz merekesi aiasynda óńirde 5 myń jas aǵash kóshetteri egiledi,- dep habarlaidy Dalanews.kz
Beibit Isabaev pen óńir ardagerleri dástúrge sai aldymen qalanyń shyǵysynda ornalasqan toǵaida bulaq bastaýynyń kózin ashty. Aimaq ardagerleri budan keiin «Kóktem» skverinde jas aǵash kóshetterin otyrǵyzý rásimine qatysty. Ekologiialyq shara barysynda belgili aitys aqyny Aitaqyn Bulǵaqov osy bulaqty merekeniń qurmetine «Naýryz» dep ataýdy usynyp, bul kópshilik tarapynan qoldaý tapty.
Osy kúni «Kóktem» skverine japyraqty jáne qylqan japyraqty 200 aǵash egildi.
- Ózderińizge belgili, ótken jyldan beri Prezidenttiń bastamasymen Naýryz merekesi Naýryznama tujyrymdamasyna sáikes on kún boiy atap ótiledi. Soǵan orai onkúndiktiń altynshy kúni aǵash otyrǵyzýǵa arnalyp otyr. Osy úlgi arqyly biz bolashaq urpaqty tabiǵatty aialaýǵa, ainalasyn kógaldandyrýǵa, Jer-Anaǵa meiirimmen qaraýǵa úiretemiz. Jetisý óńiri – shybyq shanshysań tal bolatyn, sýly-nýly jer. Sondyqtan Taldyqorǵandy atyna zaty sai, aýasy taza, jasyl jelekti qalaǵa ainaldyrýǵa barlyq múmkindik bar. Búgingi aktsiia bir rettik shara emes. Biz oblys kóleminde kógaldandyrý jumystaryn jyl boiy júrgizemiz. Biyl óńirde 120 myń aǵash otyrǵyzý josparlanǵan, sonyń 5 myńǵa jýyǵy Naýryz kúnderi otyrǵyzylady, - dep atap ótti B.Isabaev.
Ekologiialyq aktsiiaǵa qatysýshylardyń biri Nuraijan Japken – jastardyń ókili.
- Men I. Jansúgirov atyndaǵy kolledjdiń birinshi kýrsynda oqimyn, kolledjdiń prezidentimin. Ózim osyndai qoǵamdyq jumystarǵa únemi belsene qatysamyn. Ólkemizdiń tabiǵatyn taza ustaý, kógaldandyrý – bárimizdiń ortaq mindetimiz. Ol úshin aǵashtardy kóptep egýdiń mańyzy zor. Bul ekologiiamyz úshin paidaly, - dedi ol.
Naýryzben quttyqtaǵan eńbek ardageri Mynavar Mahmýtova óz oiyn bólisti.
- Búgin jurtshylyqpen birge bulaqtyń bastaý kózin ashyp, aǵash ektik. Osy aktsiiaǵa jastardyń kóptep qatysqanyna qýandym. Bul olardyń jaýapkershiligi men eljandylyǵyn, qorshaǵan ortaǵa degen qamqorlyǵyn tanytady. Barshalaryńyzdy Naýryz merekesimen quttyqtaimyn. Jetisý – bizdiń ortaq úiimiz, sondyqtan tabiǵatymyzdy aialai bileiik, - dedi ol.
Atap ótsek, «buǵan qosa Taldyqorǵandaǵy «Ardagerler» saiabaǵynda 50 aǵash egildi. Al oblys ortalyǵynda biyl jalpy sany 12 myń kóshet otyrǵyzylady.
