جەتٸسۋ وبلىسىندا «جاڭارۋ كٷنٸ» بۇلاقتىڭ كٶزٸن اشۋ مەن اعاش ەگۋدەن باستالدى. تالدىقورعاندا ٶتكەن بۇل ەكولوگييالىق شاراعا وبلىس ەكٸمٸ بەيبٸت يساباەۆ, ارداگەرلەر, ەرٸكتٸ جاستار, ٷكٸمەتتٸك ەمەس ۇيىمداردىڭ ٶكٸلدەرٸ, تٷرلٸ مەكەمەلەردٸڭ ۇجىمدارى, قالا تۇرعىندارى قاتىستى. جالپى ناۋرىز مەرەكەسٸ اياسىندا ٶڭٸردە 5 مىڭ جاس اعاش كٶشەتتەرٸ ەگٸلەدٸ,- دەپ حابارلايدى Dalanews.kz
بەيبٸت يساباەۆ پەن ٶڭٸر ارداگەرلەرٸ دەستٷرگە ساي الدىمەن قالانىڭ شىعىسىندا ورنالاسقان توعايدا بۇلاق باستاۋىنىڭ كٶزٸن اشتى. ايماق ارداگەرلەرٸ بۇدان كەيٸن «كٶكتەم» سكۆەرٸندە جاس اعاش كٶشەتتەرٸن وتىرعىزۋ رەسٸمٸنە قاتىستى. ەكولوگييالىق شارا بارىسىندا بەلگٸلٸ ايتىس اقىنى ايتاقىن بۇلعاقوۆ وسى بۇلاقتى مەرەكەنٸڭ قۇرمەتٸنە «ناۋرىز» دەپ اتاۋدى ۇسىنىپ, بۇل كٶپشٸلٸك تاراپىنان قولداۋ تاپتى.
وسى كٷنٸ «كٶكتەم» سكۆەرٸنە جاپىراقتى جەنە قىلقان جاپىراقتى 200 اعاش ەگٸلدٸ.
- ٶزدەرٸڭٸزگە بەلگٸلٸ, ٶتكەن جىلدان بەرٸ پرەزيدەنتتٸڭ باستاماسىمەن ناۋرىز مەرەكەسٸ ناۋرىزناما تۇجىرىمداماسىنا سەيكەس ون كٷن بويى اتاپ ٶتٸلەدٸ. سوعان وراي ونكٷندٸكتٸڭ التىنشى كٷنٸ اعاش وتىرعىزۋعا ارنالىپ وتىر. وسى ٷلگٸ ارقىلى بٸز بولاشاق ۇرپاقتى تابيعاتتى ايالاۋعا, اينالاسىن كٶگالداندىرۋعا, جەر-اناعا مەيٸرٸممەن قاراۋعا ٷيرەتەمٸز. جەتٸسۋ ٶڭٸرٸ – شىبىق شانشىساڭ تال بولاتىن, سۋلى-نۋلى جەر. سوندىقتان تالدىقورعاندى اتىنا زاتى ساي, اۋاسى تازا, جاسىل جەلەكتٸ قالاعا اينالدىرۋعا بارلىق مٷمكٸندٸك بار. بٷگٸنگٸ اكتسييا بٸر رەتتٸك شارا ەمەس. بٸز وبلىس كٶلەمٸندە كٶگالداندىرۋ جۇمىستارىن جىل بويى جٷرگٸزەمٸز. بيىل ٶڭٸردە 120 مىڭ اعاش وتىرعىزۋ جوسپارلانعان, سونىڭ 5 مىڭعا جۋىعى ناۋرىز كٷندەرٸ وتىرعىزىلادى, - دەپ اتاپ ٶتتٸ ب.يساباەۆ.
ەكولوگييالىق اكتسيياعا قاتىسۋشىلاردىڭ بٸرٸ نۇرايجان جاپكەن – جاستاردىڭ ٶكٸلٸ.
- مەن ٸ. جانسٷگٸروۆ اتىنداعى كوللەدجدٸڭ بٸرٸنشٸ كۋرسىندا وقيمىن, كوللەدجدٸڭ پرەزيدەنتٸمٸن. ٶزٸم وسىنداي قوعامدىق جۇمىستارعا ٷنەمٸ بەلسەنە قاتىسامىن. ٶلكەمٸزدٸڭ تابيعاتىن تازا ۇستاۋ, كٶگالداندىرۋ – بەرٸمٸزدٸڭ ورتاق مٸندەتٸمٸز. ول ٷشٸن اعاشتاردى كٶپتەپ ەگۋدٸڭ ماڭىزى زور. بۇل ەكولوگييامىز ٷشٸن پايدالى, - دەدٸ ول.
ناۋرىزبەن قۇتتىقتاعان ەڭبەك ارداگەرٸ مىناۆار ماحمۋتوۆا ٶز ويىن بٶلٸستٸ.
- بٷگٸن جۇرتشىلىقپەن بٸرگە بۇلاقتىڭ باستاۋ كٶزٸن اشىپ, اعاش ەكتٸك. وسى اكتسيياعا جاستاردىڭ كٶپتەپ قاتىسقانىنا قۋاندىم. بۇل ولاردىڭ جاۋاپكەرشٸلٸگٸ مەن ەلجاندىلىعىن, قورشاعان ورتاعا دەگەن قامقورلىعىن تانىتادى. بارشالارىڭىزدى ناۋرىز مەرەكەسٸمەن قۇتتىقتايمىن. جەتٸسۋ – بٸزدٸڭ ورتاق ٷيٸمٸز, سوندىقتان تابيعاتىمىزدى ايالاي بٸلەيٸك, - دەدٸ ول.
اتاپ ٶتسەك, «بۇعان قوسا تالدىقورعانداعى «ارداگەرلەر» ساياباعىندا 50 اعاش ەگٸلدٸ. ال وبلىس ورتالىعىندا بيىل جالپى سانى 12 مىڭ كٶشەت وتىرعىزىلادى.
