Jetisý oblysynyń Sarqan qalasyndaǵy mektepterdiń birinde qyzmetkerden ashyq túrdegi týberkýlez deregi tirkeldi, dep habarlaidy Dalanews.kz.
Stan.kz málimetinshe, bul jaǵdai ata-analar arasynda úlken alańdaýshylyq týǵyzyp otyr.
Ata-analardyń aitýynsha, qaýipti diagnoz rastalǵanyna qaramastan, jergilikti bilik tiisti deńgeide áreket etpegen. Mektep ǵimaratynda tek bir márte sanitarlyq óńdeý júrgizilip, oqý protsesi ádettegidei jalǵasýda. Osyǵan bailanysty ata-analar balalarynyń densaýlyǵyna qatty alańdaitynyn jetkizdi.
Jetisý oblystyq bilim basqarmasynyń málimetinshe, týberkýlezben aýyrǵan qyzmetker – mekteptiń eden jýýshysy. Oǵan qatysty barlyq qajetti meditsinalyq sharalar qolǵa alynǵan.
“Aqyn Sara atyndaǵy orta mektepte 187 oqýshyǵa Mantý synamasy jasalyp, 37 adam (muǵalimder men tehnikalyq personal) týberkýlinge reaktsiia jáne fliýorografiialyq tekserýden ótti. Nátijesinde 50 oqýshyda Mantý synamasy boiynsha beiimdilik baiqaldy. Qazir mektepte kúndelikti dezinfektsiialyq jumystar júrgizilýde”, – dep málimdedi bilim basqarmasyndaǵy mamandar.
Degenmen, ata-analar men qoǵam belsendileri oqýshylardyń qaýipsizdigin qamtamasyz etý úshin qosymsha sharalar qabyldaýdy, sonyń ishinde ýaqytsha karantin engizýdi talap etýde.
