Jetisý oblysynda tarihi data - Konstitýtsiianyń 30 jyldyǵyna arnalǵan sharalar óńirdiń barlyq aýdan-qalalaryn qamtyp, shamamen 300-ge jýyq is-shara ótkiziledi dep mejelenip otyr. Sonyń ishinde turǵyn úiler, jańa áleýmettik jáne infraqurylymdyq nysandar, biznes nasyndary ashylady dep josparlanǵan. Sol siiaqty azamattardyń quqyqtyq saýatyn arttyrýǵa erekshe kóńil bólinedi,- dep habarlaidy Dalanews.kz
Atap aitqanda, mereitoilyq data aiasynda Kerbulaq aýdanynda 60 páterli kópqabatty úidiń, Qaratal aýdany Úshtóbe qalasynda 10 turǵyn úidiń kiltteri jergilikti turǵyndarǵa tabystalatyn bolady.
Sol siiaqty Kóksý aýdanynda balabaqsha, balalar oiyn alańy, «Januia» qoldaý ortalyǵy iske qosylsa, Alakól aýdany, Úshbulaq, Qyzylqaiyń aýyldarynda feldsherlik-akýsherlik pýnktter ashylady dep kútilýde. Sonyń ishinde 30 jyldyqqa 30 is-shara ótkizýdi josparlap otyrǵan Panfilov aýdanynda 6 jańa meditsina nysany, 1 jańa mektep, jóndeýden keiingi 2 mektep, «Qorǵas – Shyǵys qaqpasy» arnaiy ekonomikalyq aimaǵynda temir óńdeý zaýyty, Jarkent qalasynda júgeri keptirý tsehy, "Saryózek – Kóktal" baǵytyndaǵy «Qoibyn» kópiri qoldanysqa beriledi.
Jetisý oblysynyń Qazaqstan halqy Assambleiasy da bul merekelik sharaǵa óz úlesin qosyp, dialog alańyn quryp, seminar trening, merekelik jiyn ótkizbekshi.
Sondai-aq quqyqtyq saýattylyqty arttyrý baǵytynda zańgerlermen, depýtattarmen, qoǵam belsendilerimen kezdesýler ótkiziledi. Túrli sporttyq jarystar, mýzeilerge ekskýrsiialar uiymdastyrylady.
Atap ótsek, óńirde ótkiziletin sharalar zańdy qasterleýge úndeý, «Zań men tártip» qaǵidatyn ustanýdyń mańyzyn pash etý, el damýynyń jańa kezeńindegi Konstitýtsiianyń rólin aishyqtaýǵa baǵyttalyp otyr.
