Jetisý oblysynda jastardyń bastamalary men kásipkerlik áleýetin qoldaýǵa baǵyttalǵan «Táýelsizdik Urpaqtary» granttyq jobasy bastaldy, dep habarlaidy Dalanews.kz
Atalǵan joba 18–35 jas aralyǵyndaǵy jumyssyz jastarǵa arnalǵan jáne olardyń áleýmettik, ǵylymi, mádeni jáne kásipkerlik baǵyttaǵy jobalaryn iske asyrýǵa múmkindik beredi.
Jobanyń maqsaty — jastardyń el damýyna qosar úlesin arttyrý, olardyń óz kásibin ashýǵa, aýyl sharýashylyǵy men óndiris salalarynda jumys jasaýyna, sondai-aq kreativti jáne ekologiialyq baǵyttarda damýyna qoldaý kórsetý.
Granttar kelesi 6 baǵyt boiynsha beriledi:
- Mal jáne balyq sharýashylyǵy;
- Ósimdik sharýashylyǵy;
- Sút ónimderin óndirý;
- Aýyl sharýashylyǵy ónimderin qaita óńdeý;
- Qolóner jáne shaǵyn óndiris;
- Agrotýrizm jáne ekotýrizm.
Árbir jeńimpazǵa qaitarymsyz qarjylai qoldaý beriledi. Qarajat qajetti qural-jabdyqtar men materialdardy alýǵa, jumys ornyn jabdyqtaýǵa jáne jobany iske qosýǵa jumsalady.
Ótinish qabyldaý merzimi:
2025 jyldyń 15 mamyrdan 15 shilde aralyǵynda.
Qatysý sharttary:
- 18–35 jas aralyǵyndaǵy Qazaqstan Respýblikasynyń azamaty bolýy;
- jumyssyz mártebesinde tirkelýi;
- jobalyq usynysty jáne biznes-jospardy usynýy;
- jobasyn Jetisý oblysy aýmaǵynda iske asyrýy.
Jetisý oblysy Qoǵamdyq damý basqarmasy jastardy atalǵan múmkindikke belsendi qatysýǵa shaqyrady.
Grant – tek qarjylyq qoldaý ǵana emes, sonymen qatar óz armanyńdy júzege asyrý men tabysty kásipkerlik jolǵa qadam basýdyń alǵashqy satysy.
Tolyq aqparat pen keńes alý úshin habarlasyńyz:
Damira, 8 707 929 12 72;
Nazerke, 8 707 755 58 46;
Marjan, 8 747 160 46 37.
Elektrondyq poshta: tauelsizdik.jetisu@mail.ru
