جەتىسۋ وبلىسىندا جاستاردىڭ باستامالارى مەن كاسىپكەرلىك الەۋەتىن قولداۋعا باعىتتالعان «تاۋەلسىزدىك ۇرپاقتارى» گرانتتىق جوباسى باستالدى، دەپ حابارلايدى Dalanews.kz
اتالعان جوبا 18–35 جاس ارالىعىنداعى جۇمىسسىز جاستارعا ارنالعان جانە ولاردىڭ الەۋمەتتىك، عىلىمي، مادەني جانە كاسىپكەرلىك باعىتتاعى جوبالارىن ىسكە اسىرۋعا مۇمكىندىك بەرەدى.
جوبانىڭ ماقساتى — جاستاردىڭ ەل دامۋىنا قوسار ۇلەسىن ارتتىرۋ، ولاردىڭ ءوز كاسىبىن اشۋعا، اۋىل شارۋاشىلىعى مەن ءوندىرىس سالالارىندا جۇمىس جاساۋىنا، سونداي-اق كرەاتيۆتى جانە ەكولوگيالىق باعىتتاردا دامۋىنا قولداۋ كورسەتۋ.
گرانتتار كەلەسى 6 باعىت بويىنشا بەرىلەدى:
- مال جانە بالىق شارۋاشىلىعى؛
- وسىمدىك شارۋاشىلىعى؛
- ءسۇت ونىمدەرىن ءوندىرۋ؛
- اۋىل شارۋاشىلىعى ونىمدەرىن قايتا وڭدەۋ؛
- قولونەر جانە شاعىن ءوندىرىس؛
- اگروتۋريزم جانە ەكوتۋريزم.
ءاربىر جەڭىمپازعا قايتارىمسىز قارجىلاي قولداۋ بەرىلەدى. قاراجات قاجەتتى قۇرال-جابدىقتار مەن ماتەريالداردى الۋعا، جۇمىس ورنىن جابدىقتاۋعا جانە جوبانى ىسكە قوسۋعا جۇمسالادى.
ءوتىنىش قابىلداۋ مەرزىمى:
2025 جىلدىڭ 15 مامىردان 15 شىلدە ارالىعىندا.
قاتىسۋ شارتتارى:
- 18–35 جاس ارالىعىنداعى قازاقستان رەسپۋبليكاسىنىڭ ازاماتى بولۋى؛
- جۇمىسسىز مارتەبەسىندە تىركەلۋى؛
- جوبالىق ۇسىنىستى جانە بيزنەس-جوسپاردى ۇسىنۋى؛
- جوباسىن جەتىسۋ وبلىسى اۋماعىندا ىسكە اسىرۋى.
جەتىسۋ وبلىسى قوعامدىق دامۋ باسقارماسى جاستاردى اتالعان مۇمكىندىككە بەلسەندى قاتىسۋعا شاقىرادى.
گرانت – تەك قارجىلىق قولداۋ عانا ەمەس، سونىمەن قاتار ءوز ارمانىڭدى جۇزەگە اسىرۋ مەن تابىستى كاسىپكەرلىك جولعا قادام باسۋدىڭ العاشقى ساتىسى.
تولىق اقپارات پەن كەڭەس الۋ ءۇشىن حابارلاسىڭىز:
داميرا، 8 707 929 12 72؛
نازەركە، 8 707 755 58 46؛
مارجان، 8 747 160 46 37.
ەلەكتروندىق پوشتا: tauelsizdik.jetisu@mail.ru
