Jetisý oblysy Alakól aýdanynda «Qabanbai–Kóktuma» avtojolyndaǵy ortasha jóndeý jumystarynyń sapasyna qatysty qoǵamda týǵan synnan keiin oblystyq ákimdik resmi túsinikteme berdi, dep habarlaidy Dalanews.kz.
Ákimdik málimetinshe, joldyń 20–40 shaqyrym aralyǵyn jóndeý boiynsha «ZaRa Grand» JShS-men kelisimshart jasalǵan. Jobaǵa sai, 20 shaqyrymǵa sýyq asfalt jamylǵysyn tóseý, sý ótkizý qubyrlaryn aýystyrý, jol tańbalary men belgilerdi ornatý josparlanǵan.
Qazirgi atqarylǵan jumystar:
- 20 shaqyrymǵa sozylǵan eski asfalt qabaty tolyq qyrylǵan;
- bir núktede sý ótkizgish qubyr aýystyrylǵan.
Alaida ákimdik merdigerdiń jumysyna qatysty birqatar eleýli máselelerdi atap ótti. Basqarma jol jóndeý jumystaryn tolyq ári sapaly oryndalýyn qatań baqylaýda ustap otyrǵandyqtan, asfalt tóseý jumystaryna ázirge eshqandai tólem jasalmaǵan.
Sonymen qatar aýa raiynyń qolaisyz kezinde asfalt tóseýdi toqtatý jóninde merdigerge resmi eskertpe hat jiberilgen, alaida kompaniia bul nusqaýdy oryndamaǵan.
«Jóndeý jumystarynyń baiaý júrýine bailanysty merdigerge qosymsha tehnika tartý jáne jumys qarqynyn kúsheitý týraly úsh ret resmi eskertý hat joldandy», – delingen ákimdik habarlamasynda.
Kelisimshart boiynsha joldy tolyq aiaqtaý merzimi – 2025 jyldyń qarashasy. Ákimdik merdiger kompaniia osy talapty oryndamasa, ony josyqsyz merdiger retinde taný týraly talap aryz Jetisý oblysynyń mamandandyrylǵan ekonomikalyq sotyna joldanatynyn málimdedi.
Eske salaiyq, buǵan deiin qoǵam ókilderi merdigerdiń qar men batpaqta tehnologiia buza otyryp jol salýyn jáne baqylaýdyń álsizdigin synǵa alǵan bolatyn.
