Búgin oblysta «Aýyldyq densaýlyq saqtaýdy jańǵyrtý» ulttyq jobasynyń sheńberinde Densaýlyq saqtaý vıse-mınıstri Tımýr Muratovtyń qatysýymen eki jańa medısınalyq mekeme — dárigerlik ambýlatorıa jáne feldsherlik-akýsherlik pýnkt ashyldy,- dep habarlaıdy Dalanews.kz
Eskeldi aýdanynyń Shymyr aýylyndaǵy dárigerlik ambýlatorıa 2129 turǵynǵa qyzmet kórsetýge eseptelgen jáne medısınalyq-sanıtarıalyq alǵashqy kómek, shuǵyl jáne kezek kúttirmeıtin medısınalyq kómek, zerthanalyq dıagnostıka, sondaı-aq profılaktıkalyq egý qyzmetterin usynady.
Kóksý aýdanynyń Qyzyltoǵan aýylyndaǵy feldsherlik-akýsherlik pýnkt (FAP) 430 turǵynǵa qyzmet kórsetedi. Aýyl turǵyndaryna medısınalyq kómekti eki orta býyn mamany, sondaı-aq pasıentterdi qabyldaý úshin aptasyna 1-2 ret ambýlatorıadan keletin dáriger kórsetedi.
FAP-tyń negizgi qyzmetine sanıtarıalyq-medısınalyq alǵashqy kómek kórsetý, aýrýlardyń profılaktıkasy, skrınıngtik baǵdarlamalardy iske asyrý, júkti áıelder men balalarǵa patronaj jasaý, sondaı-aq vaksınasıalaý júrgizý kiredi.
