بۇگىن وبلىستا «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسىنىڭ شەڭبەرىندە دەنساۋلىق ساقتاۋ ۆيسە-مينيسترى تيمۋر مۇراتوۆتىڭ قاتىسۋىمەن ەكى جاڭا مەديسينالىق مەكەمە — دارىگەرلىك امبۋلاتوريا جانە فەلدشەرلىك-اكۋشەرلىك پۋنكت اشىلدى،- دەپ حابارلايدى Dalanews.kz
ەسكەلدى اۋدانىنىڭ شىمىر اۋىلىنداعى دارىگەرلىك امبۋلاتوريا 2129 تۇرعىنعا قىزمەت كورسەتۋگە ەسەپتەلگەن جانە مەديسينالىق-سانيتاريالىق العاشقى كومەك، شۇعىل جانە كەزەك كۇتتىرمەيتىن مەديسينالىق كومەك، زەرتحانالىق دياگنوستيكا، سونداي-اق پروفيلاكتيكالىق ەگۋ قىزمەتتەرىن ۇسىنادى.
كوكسۋ اۋدانىنىڭ قىزىلتوعان اۋىلىنداعى فەلدشەرلىك-اكۋشەرلىك پۋنكت (فاپ) 430 تۇرعىنعا قىزمەت كورسەتەدى. اۋىل تۇرعىندارىنا مەديسينالىق كومەكتى ەكى ورتا بۋىن مامانى، سونداي-اق پاسيەنتتەردى قابىلداۋ ءۇشىن اپتاسىنا 1-2 رەت امبۋلاتوريادان كەلەتىن دارىگەر كورسەتەدى.
فاپ-تىڭ نەگىزگى قىزمەتىنە سانيتاريالىق-مەديسينالىق العاشقى كومەك كورسەتۋ، اۋرۋلاردىڭ پروفيلاكتيكاسى، سكرينينگتىك باعدارلامالاردى ىسكە اسىرۋ، جۇكتى ايەلدەر مەن بالالارعا پاتروناج جاساۋ، سونداي-اق ۆاكسيناسيالاۋ جۇرگىزۋ كىرەدى.
