2025 jyly oblys boiynsha 83 balalar oiyn alańy men sport alańdaryn jańadan salý jáne abbattandyrý júrgizilýde. Sonyń ishinde 58-i jańadan salynyp, 25-i aǵymdaǵy jóndeýden ótkiziledi. Búgingi kúnge 25-inde qurylys jumystary aiaqtaldy, onyń ishinde 7-eýi – jańadan salynǵan oiyn alańdary,- dep habarlaidy Dalanews.kz
Bul sharalar «Taza Qazaqstan» jalpyulttyq ekologiialyq baǵdarlamasy aiasynda turǵyn úi aýlalaryn abattandyrý baǵytynda atqarylyp otyr.
Atap aitqanda, Tekeli qalasynda 27, Taldyqorǵan qalasynda 21, Aqsý aýdanynda 20, Qaratal, Kóksý aýdandarynda 5-ten, Kerbulaq aýdanynda 4, Sarqan aýdanynda 1 balalar jáne sport alańy abattandyrylýda.
Eldi mekenderdiń turǵyndary balalar oiyn jáne sport alańdary salynǵanyna rizashylyq bildirýde.
- Tekelidegi «Metallýrg» shaǵyn aýdany Bóltirik sheshen kóshesinde turyp jatqanyma 30 jyl boldy. Úiimizdiń aldyna jańadan balalar oiyn alańy salyndy. Keshkilik nemerelerimdi alyp shyǵyp oinatamyn, ózim de arnaiy qoiylǵan oryndyqtarda kórshi-qolańmen áńgime-dúken quryp otyramyn. Sapaly jasalǵan, kóńilim toldy. Balalar da, biz de qýanyp jatyrmyz, - deidi tekelilik turǵyn Qanat Seisenbaev.
