2025 جىلى وبلىس بويىنشا 83 بالالار ويىن الاڭى مەن سپورت الاڭدارىن جاڭادان سالۋ جانە ابباتتاندىرۋ جۇرگىزىلۋدە. سونىڭ ىشىندە 58ء-ى جاڭادان سالىنىپ، 25ء-ى اعىمداعى جوندەۋدەن وتكىزىلەدى. بۇگىنگى كۇنگە 25-ىندە قۇرىلىس جۇمىستارى اياقتالدى، ونىڭ ىشىندە 7-ەۋى – جاڭادان سالىنعان ويىن الاڭدارى،- دەپ حابارلايدى Dalanews.kz
بۇل شارالار «تازا قازاقستان» جالپىۇلتتىق ەكولوگيالىق باعدارلاماسى اياسىندا تۇرعىن ءۇي اۋلالارىن اباتتاندىرۋ باعىتىندا اتقارىلىپ وتىر.
اتاپ ايتقاندا، تەكەلى قالاسىندا 27، تالدىقورعان قالاسىندا 21، اقسۋ اۋدانىندا 20، قاراتال، كوكسۋ اۋداندارىندا 5-تەن، كەربۇلاق اۋدانىندا 4، سارقان اۋدانىندا 1 بالالار جانە سپورت الاڭى اباتتاندىرىلۋدا.
ەلدى مەكەندەردىڭ تۇرعىندارى بالالار ويىن جانە سپورت الاڭدارى سالىنعانىنا ريزاشىلىق بىلدىرۋدە.
- تەكەلىدەگى «مەتاللۋرگ» شاعىن اۋدانى بولتىرىك شەشەن كوشەسىندە تۇرىپ جاتقانىما 30 جىل بولدى. ءۇيىمىزدىڭ الدىنا جاڭادان بالالار ويىن الاڭى سالىندى. كەشكىلىك نەمەرەلەرىمدى الىپ شىعىپ ويناتامىن، ءوزىم دە ارنايى قويىلعان ورىندىقتاردا كورشى-قولاڭمەن اڭگىمە-دۇكەن قۇرىپ وتىرامىن. ساپالى جاسالعان، كوڭىلىم تولدى. بالالار دا، ءبىز دە قۋانىپ جاتىرمىز، - دەيدى تەكەلىلىك تۇرعىن قانات سەيسەنبايەۆ.
