Óńirdegi Aqsý jáne Kóksý qant zaýyttaryna biyl 330 myń tonna qant qyzylshasy ótkizilip, zaýyttar odan 42 myń tonna qyzylsha qantyn óndiredi, sol siiaqty qamys quraǵynan 29 myń tonna qant shyǵarady. Osylaisha biyl aimaqta jalpy kólemi 71 myń tonna qant óndiriledi. Bul týraly búgin Astana qalasynda Ortalyq kommýnikatsiialar qyzmeti alańynda ótken brifingide Jetisý oblysynyń ákimi Beibit Isabaev málimdedi, – dep habarlaidy Jetisý oblysy ákiminiń baspasóz qyzmeti.
Onyń aitýynsha, qyzylshany sýbsidiialaý normativi tonnasyna 15 myńnan 25 myń teńgege deiin ulǵaityldy. Osy maqsatqa biýdjetten 8,4 mlrd. teńge bólingen. Oǵan qosa qyzylsha sharýashylyqtaryna ónimniń ár tonnasyna taǵy 15 myń teńgeni ónim qabyldaǵan zaýyt tóleidi. Bul qant qyzylshasynyń alqabyn 2 ese kóbeitip, 8,5 myń ga deiin jetkizýge múmkindik bergen.
Sonymen qatar spiker egistik alqaptaryn ulǵaitý úshin sý sharýashylyǵy nysandaryn qaita jańǵyrtýdyń mańyzy zor ekenin atap ótti:
– Sý sharýashylyǵynyń 11 obektisiniń qurylysy júrgizilýde. Taǵy 16 nysannyń jobalaý-smetalyq qujattamasy ázirlenip jatyr, onyń 7-eýi - jańa sý qoimasy. Sonyń nátijesinde aldaǵy 2-3 jylda 48 myń ga jerdi sýmen qamtý jaqsartylyp, taǵy 20 myń ga jańa sýarmaly jer ainalymǵa engiziledi, – dedi spiker.
Jetisý oblysy ákiminiń baspasóz qyzmeti
