Jetisý oblysynda bilim salasyndaǵy búdjet aqshasyn urlaý isi boıynsha kúdikti aqshany sheteldik bankke aýdaryp otyrǵan. Bul týraly búgin arnaıy baspasóz máslıhatynda Sybaılas jemqorlyqqa qarsy is-qımyl agenttiginiń resmı ókili Danıar Bıǵaıdarov aıtty, dep habarlaıdy Dalanews.kz.
Tergeý barysynda kúdiktiniń úıinen shetel bankine tıesili qarjylyq qujattar tabylǵan. Antıkordyń Qarjylyq monıtorıń agenttigimen birlesken tekserýi kezinde urlanǵan qarajattyń bir bóligi sheteldegi bank shotyna aýdarylǵany rastaldy.
"GlobE halyqaralyq júıesi arqyly bizdiń qyzmetker sheteldegi áriptesterimen baılanys ornatyp, kúdikti men onyń týysynyń shetelde ashqan shottary men jasaǵan qarjylyq operasıalaryn anyqtady", – dedi Bıǵaıdarov.
Sonymen qatar Qazaqstan tarapy aqsha aýdarymyn qabyldaǵan sheteldik azamat týraly aqparatqa da qol jetkizdi.
Qazir Antıkor sheteldik áriptesterimen qarjyny buǵattap, keıinnen ony keri qaıtarý boıynsha kelissózder júrgizip jatyr.
