جەتٸسۋ وبلىسىندا بٸلٸم سالاسىنداعى بيۋدجەت اقشاسىن ۇرلاۋ ٸسٸ بويىنشا كٷدٸكتٸ اقشانى شەتەلدٸك بانككە اۋدارىپ وتىرعان. بۇل تۋرالى بٷگٸن ارنايى باسپاسٶز مەسليحاتىندا سىبايلاس جەمقورلىققا قارسى ٸس-قيمىل اگەنتتٸگٸنٸڭ رەسمي ٶكٸلٸ دانييار بيعايداروۆ ايتتى, دەپ حابارلايدى Dalanews.kz.
تەرگەۋ بارىسىندا كٷدٸكتٸنٸڭ ٷيٸنەن شەتەل بانكٸنە تيەسٸلٸ قارجىلىق قۇجاتتار تابىلعان. انتيكوردىڭ قارجىلىق مونيتورينگ اگەنتتٸگٸمەن بٸرلەسكەن تەكسەرۋٸ كەزٸندە ۇرلانعان قاراجاتتىڭ بٸر بٶلٸگٸ شەتەلدەگٸ بانك شوتىنا اۋدارىلعانى راستالدى.
"GlobE حالىقارالىق جٷيەسٸ ارقىلى بٸزدٸڭ قىزمەتكەر شەتەلدەگٸ ەرٸپتەستەرٸمەن بايلانىس ورناتىپ, كٷدٸكتٸ مەن ونىڭ تۋىسىنىڭ شەتەلدە اشقان شوتتارى مەن جاساعان قارجىلىق وپەراتسييالارىن انىقتادى", – دەدٸ بيعايداروۆ.
سونىمەن قاتار قازاقستان تاراپى اقشا اۋدارىمىن قابىلداعان شەتەلدٸك ازامات تۋرالى اقپاراتقا دا قول جەتكٸزدٸ.
قازٸر انتيكور شەتەلدٸك ەرٸپتەستەرٸمەن قارجىنى بۇعاتتاپ, كەيٸننەن ونى كەرٸ قايتارۋ بويىنشا كەلٸسسٶزدەر جٷرگٸزٸپ جاتىر.
