Jetisý oblysynda beinebaqylaý kameralarynyń kómegimen 11 myńnan astam quqyq buzýshylyq anyqtaldy,- dep habarlaidy Dalanews.kz
Jetisý oblysynda politsiia qyzmetkerleri qoǵamdyq tártipti qamtamasyz etý jáne zań talaptarynyń oryndalýyn baqylaý baǵytynda júieli jumystar júrgizilip jatyr. Operativti basqarý ortalyǵynyń jáne beinebaqylaý júieleriniń múmkindikteri arqasynda jyl basynan beri 11 myńnan astam quqyq buzýshylyq deregi tirkeldi. Azamattardyń ómir súrý sapasyna tikelei áser etetin usaq quqyq buzýshylyqtardyń aldyn alýǵa erekshe kóńil bólinýde.
Atap aitqanda, usaq buzaqylyq jasaǵany úshin 283 azamat jaýapkershilikke tartyldy. Sondai oqiǵalardyń biri – qoǵamdyq orynda er adamnyń qoqys tastap, esh qymsynbastan dáret syndyrýy.
- Mundai áreketter qoǵamdaǵy moraldyq normalarǵa qaishy kelip qana qoimai, qorshaǵan ortaǵa jáne ózgelerge degen qurmetsizdikti bildiredi. Qorshaǵan ortaǵa jáne qoǵamdyq oryndarǵa qurmetpen qaraý – ár azamattyń mindeti. Tazalyq pen tártip tek qoǵam músheleriniń sanaly áreketi arqyly ǵana qamtamasyz etiledi, - delingen politsiia organynyń habarlamasynda.
