جەتىسۋ وبلىسىندا بەينەباقىلاۋ كامەرالارىنىڭ كومەگىمەن 11 مىڭنان استام قۇقىق بۇزۋشىلىق انىقتالدى،- دەپ حابارلايدى Dalanews.kz
جەتىسۋ وبلىسىندا پوليسيا قىزمەتكەرلەرى قوعامدىق ءتارتىپتى قامتاماسىز ەتۋ جانە زاڭ تالاپتارىنىڭ ورىندالۋىن باقىلاۋ باعىتىندا جۇيەلى جۇمىستار جۇرگىزىلىپ جاتىر. وپەراتيۆتى باسقارۋ ورتالىعىنىڭ جانە بەينەباقىلاۋ جۇيەلەرىنىڭ مۇمكىندىكتەرى ارقاسىندا جىل باسىنان بەرى 11 مىڭنان استام قۇقىق بۇزۋشىلىق دەرەگى تىركەلدى. ازاماتتاردىڭ ءومىر ءسۇرۋ ساپاسىنا تىكەلەي اسەر ەتەتىن ۇساق قۇقىق بۇزۋشىلىقتاردىڭ الدىن الۋعا ەرەكشە كوڭىل بولىنۋدە.
اتاپ ايتقاندا، ۇساق بۇزاقىلىق جاساعانى ءۇشىن 283 ازامات جاۋاپكەرشىلىككە تارتىلدى. سونداي وقيعالاردىڭ ءبىرى – قوعامدىق ورىندا ەر ادامنىڭ قوقىس تاستاپ، ەش قىمسىنباستان دارەت سىندىرۋى.
- مۇنداي ارەكەتتەر قوعامداعى مورالدىق نورمالارعا قايشى كەلىپ قانا قويماي، قورشاعان ورتاعا جانە وزگەلەرگە دەگەن قۇرمەتسىزدىكتى بىلدىرەدى. قورشاعان ورتاعا جانە قوعامدىق ورىندارعا قۇرمەتپەن قاراۋ – ءار ازاماتتىڭ مىندەتى. تازالىق پەن ءتارتىپ تەك قوعام مۇشەلەرىنىڭ سانالى ارەكەتى ارقىلى عانا قامتاماسىز ەتىلەدى، - دەلىنگەن پوليسيا ورگانىنىڭ حابارلاماسىندا.
