Jetisý oblysynda «Aýyldaǵy densaýlyq saqtaýdy jańǵyrtý» ulttyq jobasy aiasynda aýyl turǵyndaryna meditsinalyq qyzmettiń qoljetimdiligin arttyrý maqsatynda 44 nysannyń qurylysy aiaqtalýǵa jaqyn. Bul týraly oblys ákimi Beibit Isabaev málimdedi,- dep habarlaidy Dalanews.kz
Jalpy alǵanda, jobanyń aiasynda óńirde 59 meditsinalyq nysan salý qarastyrylǵan. Onyń ishinde 15 dárigerlik ambýlatoriia, 39 feldsherlik-akýsherlik pýnkt jáne 5 meditsinalyq pýnkt bar. Ótken jyldyń jeltoqsan aiynda 15 nysannyń qurylysy tolyq aiaqtalsa, qalǵan 44 nysannyń jumysy biyl jalǵasýda. Qazirgi tańda olardyń ortasha daiyndyq deńgeii – 83 paiyzdy quraidy.
– Qurylys jumystary maýsym jáne tamyz ailarynda kezeń-kezeńimen aiaqtalady dep josparlanyp otyr. Sonymen qatar nysandardy injenerlik-kommýnikatsiialyq jelilermen qamtamasyz etý jumystary da júrgizilýde. Qajetti qarjy jergilikti biýdjetten bólindi, – dedi oblys ákimi.
Beibit Isabaevtyń aitýynsha, bul joba oblys ákimdiginiń turaqty baqylaýynda. Aýyl turǵyndary úshin qoljetimdi ári sapaly meditsinalyq kómek kórsetý – basty basymdyqtardyń biri.
