Jetisý oblysynda Abai Qunanbaiulynyń 180 jyldyǵyna orai jasandy intellektiniń kómegimen mýral salyndy. Jańa art-nysan Tekeli qalasyndaǵy kóp qabatty turǵyn úilerdiń biriniń shyraiyn kirgizdi,- dep habarlaidy Dalanews.kz
Jobanyń ereksheligi sol, jasandy intellekt arqyly jasalǵan beineni sýretshiler bir táýliktiń ishinde úidiń qabyrǵasyna beinelep shyqqan. Mýraldyń saltanatty ashylýynda Abai shyǵarmalarynan kórkem oqýlar uiymdastyryldy, sol siiaqty oishyldyń jastarǵa arnalǵan JI kómegimen jasalǵan beineúndeýi kórsetildi.
Jergilikti turǵyndar bul is-sharanyń óte áserli bolǵanynan aitady.
– Bizdiń býyn Áýezovtiń «Abai joly» romanymen, Abaidyń «Qara sózderimen» óstik. Mýral jasaý ideiasy maǵan unady. Óitkeni zamanaýi tehnologiialardy paidalaný arqyly jastar óz tarihyn, ata-babamyzdyń murasyn, uly tulǵalardy umytpai, qaita jańǵyrtady. Qazirgi gadjetter men jahandaný dáýirinde jas urpaq óz tamyrynan ajyrap qalmaýy kerek. Tipti mýraldyń janynan ótip bara jatyp-aq, kópshiliktiń Abai kim bolǵanyn bilgisi keletini sózsiz, – deidi Tekeli qalasynyń turǵyny Gúlmira Serikhan.
«Jetisý jastary» KMM direktory Shamil Vankeevtiń aitýynsha, jyl sońyna deiin Taldyqorǵan qalasynda taǵy eki mýral salý josparlanyp otyr, onyń bireýi Shoqan Ýálihanovtyń 190 jyldyǵyna arnalsa, ekinshisi «Adal Azamat» jobasy aiasynda júzege asyrylady.
– Uly Abaiǵa arnalǵan mýral – bul aqynnyń rýhani murasyna kórsetilgen qurmet qana emes, sonymen qatar shabyt kózi, jastarǵa úlgi, ári óńirdiń mádeni damýyna qosylǵan mańyzdy úles, – dep túiindedi Sh. Vankeev.
