Múgedektigi bar adamdardyń zańdy quqyqtaryn qamtamasyz etý jáne olar úshin qoljetimdi ortany qalyptastyrý maqsatynda Jetisý oblysynda 829 áleýmettik infraqurylym nysany tolyq beiimdeldi,– dep habarlaidy Dalanews.kz
Qazirgi ýaqytta Qazaqstan Respýblikasynda 2025-2030 jyldarǵa arnalǵan inkliýzivti saiasat tujyrymdamasy, «Amanat» partiiasynyń 2023-2027 jyldarǵa arnalǵan jol kartasy jáne Memleket basshysynyń tapsyrmasy boiynsha ázirlengen «Halyqpen birge» jobasy iske asyrylýda.
«Amanat» partiiasynyń jol kartasynda 2023-2027 jyldar aralyǵynda interaktivti qoljetimdilik kartasyna (budan ári – Karta) engizilgen 42 myńnan astam nysandy beiimdeý boiynsha jumys kózdelgen. Jyl saiyn osyndai obektilerdiń 20%-y beiimdelýi tiis. Osylaisha, 2023 jyly – Kartadaǵy obektilerdiń 20%, 2024 jyly – 40%, 2025 jyly – 60%, 2026 jyly – 80%, 2027 jyly – 100%-y beiimdeledi. Qazirgi ýaqytta el boiynsha 22 980 nysan tolyqtai beiimdelgen.
2024 jyldyń sońyna deiin Jetisý oblysy boiynsha 447 nysandy beiimdeý josparlanǵan, óńirde 829 nysan beiimdelip, jospar artyǵymen oryndaldy.
Máselen, óńirdegi 829 nysan múgedektigi bar adamdardyń barlyq sanattary úshin qoljetimdi. Olardyń ishinde:
- densaýlyq saqtaý obektileri – 137;
- bilim berý nysandary – 425;
- mádeniet nysandary – 91;
- saýda jáne qyzmet kórsetý obektileri – 10;
- memlekettik jáne kvazimemlekettik uiymdar – 106;
- sport nysandary – 25;
- áleýmettik qorǵaý obektileri – 11;
- kólik infraqurylymy obektileri – 2;
- basqalary – 22.
«Men múgedektigi bar azamattarǵa arnalǵan arbamen júremin. Osy jylǵy 25 aqpanda Halyqty áleýmettik qorǵaý salasyndaǵy retteý jáne baqylaý komitetiniń Jetisý oblysy boiynsha departamentine qaladaǵy ǵimarattardyń biriniń iesi Áleýmettik kodeksti buzǵany týraly ótinishpen júgindim. Ótinish jazǵannan keiin atalǵan ǵimaratqa 14 sáýirde qaita bardym, sondaǵy baiqaǵanym múgedektigi bar adamdarǵa beiimdelip, barlyq alty kirý aimaǵynan da qoljetimdilik qamtamasyz etilipti», – dep bólisti birinshi toptaǵy múgedektigi bar Taldyqorǵan qalasynyń turǵyny Vadim Drýzin.
Budan basqa, 2025 jyldyń basynan bastap memlekettik baqylaý sheńberinde Halyqty áleýmettik qorǵaý salasyndaǵy retteý jáne baqylaý komitetiniń Jetisý oblysy boiynsha departamenti memlekettik basqarý, densaýlyq saqtaý, áleýmettik qorǵaý, mádeniet, jeke kásipkerlik, saýda jáne t. b. salalardaǵy áleýmettik infraqurylym obektilerine 10 tekserý júrgizdi, onyń ishinde 5 jospardan tys tekserý jáne prokýratýra organdarynyń talaby boiynsha 5 tekserý boldy.
Tekserý qorytyndysy boiynsha anyqtalǵan buzýshylyqtardy joiý týraly 6 uiǵarym berildi, 1,2 mln. teńgeden astam somaǵa 8 ákimshilik aiyppul salyndy.
Obektilerdiń menshik ielerine profilaktikalyq baqylaý júrgizý kezinde buzýshylyqtar alǵash ret anyqtalǵan kezde olardy ákimshilik jaýapkershilikke tartpai, olardy joiý týraly nusqamalar ǵana beriletinin atap ótý qajet. Nusqama belgilengen merzimde oryndalmaǵan jaǵdaida aiyppul salynatyn bolady.
