2025 jylǵa Jetisý oblysyndaǵy sý tasqynyna qarsy is-sharalarǵa biýdjetten 1,8 mlrd. teńgeden astam qarjy bólingen,- dep habarlaidy Dalanews.kz Jetisý oblysy ákiminiń baspasóz qyzmetinesiltemejasap.
Sý tasqynyna qarsy is-sharalar aiasynda Jetisý oblysy kóleminde 2 372 km aryq júiesi, 768 km kanal, 3 389 birlik sý ótkizý qurylysy tazartylyp, eldi mekenderden 21 myń m3 qar shyǵaryldy. Sonymen qatar 572 tehnika, 201 motopompa jáne 31 júzý quraly ázir. Jetisý oblysynda tótenshe jaǵdai kezinde turǵyndardy qabyldaityn 235 evakýatsiialyq pýnkt bar.
Óńirde sý basý qaýipi bar 47 eldi meken anyqtalyp, sonyń 43-inde ýaqtyly qabyldanǵan sharalardyń arqasynda qaýip azaityldy, al qalǵan 4 eldi mekende aldyn alý jumystary josparǵa sáikes atqarylyp jatyr.
Máselen, Kóksý aýdanyndaǵy Jarlyózek, Musabek, Talapty jáne Muqyry aýyldaryndaǵy sý burý jáne drenajdyq kanaldardy mehanikalyq tazartý jáne tereńdetip qazý jumystaryna 34 tehnika, 84 adam jumyldyrylǵan.
"Kóksý aýdany boiynsha sý basý qaýpin azaitý úshin 9 tonna janar-jaǵarmai, 9 000 qaptar, 1500 tonna inertti material, 12 dana motopompa daiyndaldy. Belgilengen jumystardy 1 naýryzǵa deiin bitiremiz dep josparlap otyrmyz", - deidi Kóksý aýdany ákimi apparatynyń bas mamany Narul Abaiuly.
Eskeldi aýdanyna kelsek, munda Eshkiólmes, Abai, Qarabulaq aýyldarynda sý burý men drenajdyq kanaldaryna tazartý jáne tereńdetý jasalǵan, sol siiaqty «QazSýShar» mekemesimen birlesip Tasaryq, Tóretoǵan, Derevenskii kanaldaryn tazartý jumystary júrgizildi. Aldabergenov, Eshkiólmes aýyldarynda aryq júieleri qalpyna keltirilip, nyǵaityldy. Sonymen qatar «Saryózek-Kóktal-Qoǵaly-Kóksý-Qarabulaq» avtojolynyń sý ótkizý qurylystary qar men muzdan tazartyldy. Oǵan qosa Jańalyq aýylynda Kóksý ózeni arnasyn túzetý men jaǵalaýdy bekitý jumystary júrgizilýde.
Eskeldi aýdany ákimdiginiń málimetinshe, sý tasqynynyń aldyn alýǵa daiyndyq barysynda 6,8 tonna janar-jaǵarmai, 1500 tonnaǵa jýyq inertti material, 8430 qap, 18 motopompa ázirlengen. Daiyndyq jumystaryna aýdandaǵy azamattyq qorǵanys qyzmetiniń 85 adamy men 44 tehnikasy atsalysty.
"Jetisý oblysynda sý tasqyny qaýpi kezeńi eki tolqynmen ótedi. Birinshi tolqyn – aqpannan naýryzǵa deiingi ailar. Ekinshi tolqyn ádette sáýirden maýsymǵa deiingi kezeń. Naýryz aiyna jasalǵan boljamdarǵa sáikes temperatýranyń kóterilýi kútilýde. Osyǵan bailanysty aýanyń kúrt jylyný, mol jaýyn-shashyn bolǵan jaǵdaida eldi mekenderdi sý basý qaýpi bar. Tótenshe jaǵdailardyń aldyn alý maqsatynda bizdiń departament jergilikti atqarýshy organdarǵa usynymdar joldady. Oblys ákiminiń tapsyrmasy boiynsha búgingi kúni Eskeldi, Kerbulaq, Kóksý aýdandary men Tekeli qalasynda sý tasqynyna qarsy tiisti jumystar júrgizilýde. Sonymen qatar mundai jumystar Aqsý aýdanynda da atqaryldy", - deidi Jetisý oblysy boiynsha Tótenshe jaǵdailar departamenti Tótenshe jaǵdailardyń aldyn alý basqarmasynyń bastyǵy Rinat Tazabekov.
