2025 جىلعا جەتىسۋ وبلىسىنداعى سۋ تاسقىنىنا قارسى ءىس-شارالارعا بيۋدجەتتەن 1،8 ملرد. تەڭگەدەن استام قارجى بولىنگەن،- دەپ حابارلايدى Dalanews.kz جەتىسۋ وبلىسى اكىمىنىڭ باسپا ءسوز قىزمەتىنەسىلتەمەجاساپ.
سۋ تاسقىنىنا قارسى ءىس-شارالار اياسىندا جەتىسۋ وبلىسى كولەمىندە 2 372 كم ارىق جۇيەسى، 768 كم كانال، 3 389 بىرلىك سۋ وتكىزۋ قۇرىلىسى تازارتىلىپ، ەلدى مەكەندەردەن 21 مىڭ م3 قار شىعارىلدى. سونىمەن قاتار 572 تەحنيكا، 201 موتوپومپا جانە 31 ءجۇزۋ قۇرالى ءازىر. جەتىسۋ وبلىسىندا توتەنشە جاعداي كەزىندە تۇرعىنداردى قابىلدايتىن 235 ەۆاكۋاسيالىق پۋنكت بار.
وڭىردە سۋ باسۋ ءقاۋىپى بار 47 ەلدى مەكەن انىقتالىپ، سونىڭ 43-ىندە ۋاقتىلى قابىلدانعان شارالاردىڭ ارقاسىندا ءقاۋىپ ازايتىلدى، ال قالعان 4 ەلدى مەكەندە الدىن الۋ جۇمىستارى جوسپارعا سايكەس اتقارىلىپ جاتىر.
ماسەلەن، كوكسۋ اۋدانىنداعى جارلىوزەك، مۇسابەك، تالاپتى جانە مۇقىرى اۋىلدارىنداعى سۋ بۇرۋ جانە درەناجدىق كانالداردى مەحانيكالىق تازارتۋ جانە تەرەڭدەتىپ قازۋ جۇمىستارىنا 34 تەحنيكا، 84 ادام جۇمىلدىرىلعان.
"كوكسۋ اۋدانى بويىنشا سۋ باسۋ ءقاۋپىن ازايتۋ ءۇشىن 9 توننا جانار-جاعارماي، 9 000 قاپتار، 1500 توننا ينەرتتى ماتەريال، 12 دانا موتوپومپا دايىندالدى. بەلگىلەنگەن جۇمىستاردى 1 ناۋرىزعا دەيىن بىتىرەمىز دەپ جوسپارلاپ وتىرمىز"، - دەيدى كوكسۋ اۋدانى اكىمى اپپاراتىنىڭ باس مامانى نارۇل اباي ۇلى.
ەسكەلدى اۋدانىنا كەلسەك، مۇندا ەشكىولمەس، اباي، قارابۇلاق اۋىلدارىندا سۋ بۇرۋ مەن درەناجدىق كانالدارىنا تازارتۋ جانە تەرەڭدەتۋ جاسالعان، سول سياقتى «قازسۋشار» مەكەمەسىمەن بىرلەسىپ تاسارىق، تورەتوعان، دەريەۆەنسكيي كانالدارىن تازارتۋ جۇمىستارى جۇرگىزىلدى. الدابەرگەنوۆ، ەشكىولمەس اۋىلدارىندا ارىق جۇيەلەرى قالپىنا كەلتىرىلىپ، نىعايتىلدى. سونىمەن قاتار «سارىوزەك-كوكتال-قوعالى-كوكسۋ-قارابۇلاق» اۆتوجولىنىڭ سۋ وتكىزۋ قۇرىلىستارى قار مەن مۇزدان تازارتىلدى. وعان قوسا جاڭالىق اۋىلىندا كوكسۋ وزەنى ارناسىن تۇزەتۋ مەن جاعالاۋدى بەكىتۋ جۇمىستارى جۇرگىزىلۋدە.
ەسكەلدى اۋدانى اكىمدىگىنىڭ مالىمەتىنشە، سۋ تاسقىنىنىڭ الدىن الۋعا دايىندىق بارىسىندا 6،8 توننا جانار-جاعارماي، 1500 تونناعا جۋىق ينەرتتى ماتەريال، 8430 قاپ، 18 موتوپومپا ازىرلەنگەن. دايىندىق جۇمىستارىنا اۋدانداعى ازاماتتىق قورعانىس قىزمەتىنىڭ 85 ادامى مەن 44 تەحنيكاسى اتسالىستى.
"جەتىسۋ وبلىسىندا سۋ تاسقىنى ءقاۋپى كەزەڭى ەكى تولقىنمەن وتەدى. ءبىرىنشى تولقىن – اقپاننان ناۋرىزعا دەيىنگى ايلار. ەكىنشى تولقىن ادەتتە ساۋىردەن ماۋسىمعا دەيىنگى كەزەڭ. ناۋرىز ايىنا جاسالعان بولجامدارعا سايكەس تەمپەراتۋرانىڭ كوتەرىلۋى كۇتىلۋدە. وسىعان بايلانىستى اۋانىڭ كۇرت جىلىنۋ، مول جاۋىن-شاشىن بولعان جاعدايدا ەلدى مەكەندەردى سۋ باسۋ ءقاۋپى بار. توتەنشە جاعدايلاردىڭ الدىن الۋ ماقساتىندا ءبىزدىڭ دەپارتامەنت جەرگىلىكتى اتقارۋشى ورگاندارعا ۇسىنىمدار جولدادى. وبلىس اكىمىنىڭ تاپسىرماسى بويىنشا بۇگىنگى كۇنى ەسكەلدى، كەربۇلاق، كوكسۋ اۋداندارى مەن تەكەلى قالاسىندا سۋ تاسقىنىنا قارسى ءتيىستى جۇمىستار جۇرگىزىلۋدە. سونىمەن قاتار مۇنداي جۇمىستار اقسۋ اۋدانىندا دا اتقارىلدى"، - دەيدى جەتىسۋ وبلىسى بويىنشا توتەنشە جاعدايلار دەپارتامەنتى توتەنشە جاعدايلاردىڭ الدىن الۋ باسقارماسىنىڭ باستىعى رينات تازابەكوۆ.
