Biyl Jetisý oblysynda 113 myńnan astam oqýshy jazǵy demalys sharalarymen qamtylady. Óńirde qala syrtyndaǵy 13 balalar saýyqtyrý lageri jumys isteidi, dep habarlaidy Dalanews.kz
Jazǵy demalys kezinde jalpy bilim berý uiymdarynyń 1-10 synyptaryndaǵy 121 694 oqýshynyń 113 112-sin qamtý josparlanyp otyr, bul - oqýshylardyń 93%. Onyń 9 932-si - áleýmettik osal toptar sanatyndaǵy otbasylardan shyqqan balalar.
Oǵan qajetti qarajat respýblikalyq jáne jergilikti biýdjetten, demeýshilerdiń, sonyń ishinde «Qazaqstan halqyna» qorynyń esebinen, kásipodaq uiymdary tarapynan qarastyrylady. Osylaisha oqýshylar jazǵy demalysty týristik saiahatpen, eńbekpen, shyǵarmashylyqpen, intellektýaldyq shyńdaýmen ótkizedi. Jazǵy saýyqtyrý lagerlerine 12342 pedagog tartylmaq, sonyń 112-si - qala syrtyndaǵy lagerlerde, 12000-y mektep janyndaǵy tamaqtandyrylmaityn lagerlerde bolady. Sonymen qatar balalar demalys oryndaryna pedagogikalyq kolledjderdiń 150 stýdenti, 80 erikti tartylady.
«Jetisý oblysynda balalardyń jazǵy demalysy 6 joba aiasynda «Ulttyq qundylyqtar», «Bilimnen mamandyqqa deiin: eńbek álemine ekskýrsiia», «Jasyl klýb», «Jazǵy ekran», «Jetisý saqinasy» «Ulttyq qundylyqtar», «Týristiata» jobasy sheńberinde uiymdastyrylady. Máselen, balalar óńirdegi zaýyttar men tsehtarǵa baryp, tehnikalyq-kásippen tanysyp, qarapaiym materialdardan ónimder qalai jasalatynyn kóredi. Sol siiaqty oblystyń kórikti jerlerine, ulttyq saiabaqtarǵa, mýzeilerge t.b. tabiǵi, tarihi, mádeni, týristik oryndarǵa ekskýrsiialyq saiahat jasaidy. Bul rette qaýipsizdik máselesine, sanitarlyq talaptardy saqtaýǵa basa kóńil bólinedi. Demalys arnaiy bekitilgen baǵdarlama negizinde metodikalyq usynymdarǵa sáikes júrgiziledi», - delingen oblystyq bilim basqarmasynyń habarlamasynda.
Jalpy oblystaǵy 13 balalar saýyqtyrý lageriniń 11-i - qala syrtyndaǵy jazǵy saýyqtyrý ortalyǵy, 1 - múgedektigi bar balalarǵa arnalǵan jazǵy saýyqtyrý ortalyǵy, 1 - daryndy balalarǵa arnalǵan lager. Solardyń biri – Alakól aýdanyndaǵy «Jansaia» jartylai statsionarlyq meditsinalyq-áleýmettik mekemesi janyndaǵy Erekshe balalarǵa arnalǵan jazǵy saýyqtyrý lageriniń jumys istegenine biyl úshinshi jyl. Osy ýaqyt ishinde onda aimaqtyń ár túkpirinen 300-ge jýyq bala tegin demaldy.
- Biyl Alakól jaǵalaýynda ornalasqan Erekshe balalarǵa arnalǵan saýyqtyrý lagerinde jazǵy kezeń 24 maýsymda bastalady. Biylǵy jyly onda erekshe qajettiligi bar 160 bala tegin demalady. Ár bala 5 kúnnen demalady. Balalar I-III toptaǵy múgedektigi boiynsha tirkelgen jerindegi dáriger usynysynyń nemese qorytyndysynyń negizinde qabyldanady. Ortalyqqa jetýdi uiymdastyrýdy zańdy ókil nemese birge erip júretin adam turǵylyqty jerinen Úsharal qalasyna deiin derbes júzege asyrady, budan ári olardy Aqshi aýylyna, lagerge jetkizýdi biz uiymdastyramyz. Jalpy, mundai belsendi demalys balalardy saýyqtyrýǵa ǵana emes, áleýmettendirýge de oń yqpal etedi, - dep atap ótti oblystyq jumyspen qamtýdy úilestirý jáne áleýmettik baǵdarlamalar basqarmasynyń basshysy Ermek Mizambaev.
Aita keteiik, 6 jastan 18 jasqa deiingi múgedektigi bar balalarǵa arnalǵan 40 oryndyq jazǵy saýyqtyrý lageri 2023 jyly Alakól aýdany ákimdiginiń rezidentsiiasy ǵimaratynyń bazasynda ashylǵan bolatyn. Sapaly áleýmettik qyzmet kórsetý maqsatynda oǵan qajetti kúrdeli jóndeý jumystary júrgizilip, balalarǵa Alakól kóliniń jaǵasynda demalý úshin barlyq jaǵdailar jasaldy.
Eske salsaq, osy jyly óńirde 131 675 oqýshy, atap aitqanda 11 synypty 7 866 túlek, 9 synypty 12 968 túlek aiaqtaidy. 23 mamyrda 1-11 synyp túlekteri úshin Sońǵy qońyraý sharasy mektep aýmaǵynda ótip, «Bilimim – Otanyma» taqyrybyndaǵy biryńǵai synyp saǵattary ótkiziledi.
