Jetisý oblysyndaǵy «Qazsýshar» RMK filialy jergilikti sharýalarmen sý berý boiynsha 7404 kelisimshart jasasqan. Búgingi tańda 100 myń gektardan astam egistik jer sýarylyp, 527,5 mln tekshe metr sý alyndy, sondai-aq 17 myń gektar alqapta ylǵaldandyrý jumysy júrgizildi,- dep habarlaidy Dalanews.kz
Vegetatsiialyq kezeń bastalar aldynda diqandarmen aýyspaly egisti saqtaý, ylǵaldy kóp qajet etetin daqyldar kólemin qysqartý, sharýashylyqishilik kanaldardy mehanikalyq jolmen tazalaý, sondai-aq sý únemdeitin tehnologiialarǵa kezeń-kezeńimen kóshý boiynsha túsindirý jumystary júrgizildi.
Shilde aiynyń birinshi onkúndiginde jaýyn-shashynnyń az túsýi men aýa raiynyń qolaisyzdyǵyna bailanysty filial kanaldar arqyly sýdy kezekpen berý týraly sheshim qabyldady. Sonymen qatar Qaratal aýdanynyń diqandaryn sýmen qamtamasyz etý úshin Kóksý ózeninen qosymsha sý jetkizildi.
«Barlyq óndiristik ýchaskede sharýalardyń suranysyna sáikes sý beriledi. Vegetatsiia qalypty rejimde ótip jatyr. Taýly muzdyqtardan bastaý alatyn ózenderdiń deńgeii jyl boiy jaýǵan jaýyn-shashyn mólsherine jáne aýa temperatýrasyna bailanysty. Filial mamandary sýarmaly sýdyń ádil bólinýin turaqty baqylaýda ustap otyr. Qazirgi tańda óńirde jaǵdai turaqty», – dedi Jetisý oblysyndaǵy «Qazsýshar» RMK filialynyń direktory Saiat Qudaibergenov.
