Jetisý oblysy qurylǵanǵa deiin óńirde jańa zaman talabyna sai salynǵan 5 veterinarlyq pýnkt bolsa, búgingi kúni olardyń sany 50-ge jetti, sonyń 49-y – vetpýnkt, 1-eýi – vetstantsiia. Al biyl taǵy 17 vetpýnkt pen 3 vetstantsiia salý josparlanyp otyr. Sóitip, kelesi jyly óńirde veterninarlyq pýnktter jetispeýshiligi máselesi tolyqtai sheshiledi,– dep habarlaidy Dalanews.kz
Sonymen qatar oblys ákiminiń tapsyrmasy boiynsha atalǵan salanyń materialdyq-tehnikalyq bazasy jańartylyp, veterinariia qyzmetiniń mamandaryna jumys isteýge qolaily jaǵdailar jasaldy.
Atap aitqanda, oblys qurylǵannan beri 45 arnaiy avtokólik, 217 kompiýter, 238 planshet, jáne basqa da qajetti qural-jabdyqtar satyp alyndy. Biyl taǵy 22 arnaiy tehnika satyp alynady. Oǵan qosa sala mamandarynyń jalaqysy da ósti. Máselen, ortasha jalaqy veterinar dárigerde - 327 myń teńge, feldsherde – 206 myń teńge, sanitarda – 208 myń teńge.
Oblys aýmaǵynda búgingi kúngi 2,5 mln bas aýyl sharýashylyǵy janýarlary bar, olardyń barlyǵy birdeilendirilip, kompiýterlik derekqorǵa engizildi.
- Qazir aýyl sharýashylyǵy janýarlaryn birdeilendirý derekter qorynyń «ISZH-Mobile» mobildi qosymshasy iske qosylǵannan keiin veterinar dárigerlerge planshetter satyp áperildi. Planshetpen jumys isteý bizdiń jumysymyzdy birshama jeńildetti ári jedeldetti deýge bolady. Úlken sharýashylyqtardy, jeke aýlalardy aralaý barysynda atqarylǵan jumys, iaǵni maldy tirkeý, profilaktikalyq is-sharalar, ekpe jasaý birden sol jerde planshet arqyly bazaǵa engiziledi, - deidi «Veterinarlyq pýnktteri bar Taldyqorǵan qalasynyń veterinarlyq stantsiiasynyń» veterinar dárigeri, osy salada on úsh jylǵa jýyq ýaqyttan beri eńbek etip kele jatqan Aigerim Bekbosynova.
Jalpy óńirde aldyn ala sharalaryna, sonyń ishinde zamanaýi diagnostikalyq zertteýlerge, ekpe jumystaryna erekshe kóńil bólinedi. Janýarlardyń asa qaýipti aýrýlarynyń qolaisyz oshaǵynyń sany 12-den 4-ke azaityldy. Sonymen qatar 26 kómindi veterinariialyq-sanitariialyq talaptarǵa sáikestendirildi. Biyl da bul jumystar jalǵasýda.
