Resmi delegatsiiaǵa Tatarstannyń biznes-qaýymdastyǵynyń ókilderi, Jetisý aimaqtyq kásipkerler palatasy, Tatarstan prezidenti Rýstam Minnihanov, Tatarstan Respýblikasy Premer-ministriniń orynbasary Vasilii Shaihraziev, Tatarstan Indýstriia jáne saýda ministri Albert Karimov qatysty.
Tatarstannyń vitse-premeri Vasilii Shaihrazievtiń qoldaýynyń arqasynda Jetisýdan kelgen delegatsiia kórshi eldegi áleýmettik investitsiialyq jáne týristik salanyń damýyna nazar aýdaryp, birqatar nysandardy aralady. Investitsiialardy damytý agenttigine barýdan bastalǵan saparda Talliia Minýllina memlekettiń investitsiialyq jáne ekonomikalyq áleýetin keńinen tanystyrdy.
«Qazan» qalasynyń biregei nysanyna ainalǵan agroónerkásip saiabaǵyna agropromarktyń bas direktory Oleg Vlasov nysan alańyna ekskýrsiia jasap, parktiń jalpy aýdany 50 myń sharshy metrdi quraitynyn aityp ótti. Park bir merzimde birneshe fýnktsiiany, atap aitqanda, qoima, óńdeý, daiyn ónimdi satý siiaqty isterdi qatar atqaratynymen erekshelenedi eken. Bul rette kásipkerlerge qolailylyq úshin barlyq infraqurylymdar jasalǵan.
Oblys ákimi Amandyq Batalov bastaǵan delegatsiia parktiń óndiristik jáne qaptaý tsehtarynda, jabyq bazarynda bolyp, Tatarstanda óndirilgen ónimderdiń kóptegen túrlerimen tanysty.
Sonymen qatar oblys delegatsiiasy óndiristik-ónerkásiptik tiptegi «Alabuǵa» erekshe ekonomikalyq aimaǵynda jáne «KAMAZ» JAQ-da boldy.
Salystyrmaly túrde aitqanda, 74 myń turǵyny bar shaǵyn Elabuǵa eldi mekenine erekshe ekonomikalyq aimaq ózi jumys istegen 12 jyl ishinde 114 mlrd som investitsiia tartyp úlgergen.
Mundai qomaqty qarjy eldiń ál-aýqatyn kóterýmen qatar, tarihi qundy jádigerlerin kútip-saqtaýǵa úlken múmkindik berip otyr. Tarihi eskertkishterdiń qatarynda Marina Tsvetaevanyń, Ivan Shýkshinniń jáne basqa da mádeniet, óner qairatkerleriniń mýzei-úileri bar.
Qazan Kremli Gýbernatorlyq saraiynda ótken Tatarstan prezidenti Rýstam Minnihanovpen kezdesýinde oblys ákimi A.Batalov:
– Biz, Almaty oblysy Qazaqstandaǵy eń iri aýyl sharýashylyǵy taýarlaryn óndirýshiniń biri retinde mundaǵy aýyl sharýashylyǵy salasynyń tyń jobalaryna qyzyǵýshylyq tanytyp otyrmyz. «Qazan» agroparki jumysynyń tiimdi uiymdastyrylýy bizge qatty unady. Onda ústeme baǵasyz óz ónimderin tikelei tutynýshyǵa jetkizý múmkindikteri qolaily qarastyrylǵan eken. Sol siiaqty óndiristik alańdardy damytýdaǵy tájiribelerińiz de biz úshin mańyzdy, – dedi.
Óz kezeginde R.Minnihanov Qazaqstan aýmaǵynda birneshe iri jobalar júzege asyp jatqanyn, sonyń ishinde «Qorǵas – Shyǵys qaqpasy» AEA-nyń mańyzy erekshe ekenine toqtaldy:
– «Qorǵas» jobasy – úlken qyzyǵýshylyq týǵyzatyn jáne zor áleýeti bar joba. Ony álemdik deńgeidegi iri kólik-logistikalyq hab retinde kórdik. Biz óz tarapymyzdan osy baǵytta áriptestik bailanys ornatýǵa, biznes-bailanystarymyzdyń aýqymyn keńeitýge daiynbyz, – dedi ol.
Sondai-aq qazaqstandyq delegatsiia sapar barysynda 200 jyldan astam tarihy bar Qazan (Privoljelik) federaldy ýniversitetine atbasyn tiredi. Ýniversitet rektory Ilshat Gafýrov bilim ordasyn aralatyp, osy shańyraqtan shyqqan ataqty túlekterdi de maqtanyshpen atap ótti. Olardyń qatarynda álem ádebietiniń klassigi, kórnekti orys jazýshysy Lev Tolstoi, tamasha matematik Nikolai Lobachevskii jáne basqa da tanymal tulǵalar bolǵan. I.Gafýrovtyń aitýynsha, qara shańyraq ýniversitet joǵary bilim berý dástúrlerin saqtai otyryp, keń aýqymdy ǵylymi-zertteý baǵytyna erekshe den qoiǵanyn alǵa tartty.
Sol siiaqty Qazandaǵy Búkilálemdik jazǵy XXVII ýniversiadanyń ashylýy men jabylý saltanatyn da osy stadionnan tamashalaǵan bolatyn.
Osy sapary barysynda oblys ákimi Amandyq Batalov tatar baýyrlarǵa Jetisýdyń týristik áleýeti jaiynda keńinen baiandap berdi.
Oblys basshysy Tatarstan prezidenti Rýstam Minnihanovpen resmi kezdesýinde Jetisý jerindegi sýy shipaly Alakól kóliniń infraqurylymyn damytý isin Memleket basshysy Nursultan Nazarbaevtyń ózi airyqsha baqylap otyrǵanyn tilge tiek etti. Onda áýejai iske qosylǵanyn, jańa temirjol vokzaly salynǵanyn aitty.
Máselen, ótken jyly Alakólde 750 myń týrist demalsa, biylǵy jyly olardyń sany millionǵa jetedi dep kútilýde. Jalpy, aldyn ala boljamdar boiynsha Almaty oblysyna 2 millionnan astam týrist keledi dep josparlanýda. Sózin Tatarstanmen ózara bailanys turǵysynda jalǵaǵan oblys ákimi Amandyq Batalov TR prezidentiniń bilim men ǵylym, zertteý ortalyqtary arasyndaǵy bailanysty nyǵaitý týraly usynystaryna qatysty óz oiyn bildirdi:
– Tatarstannyń balalary Almaty oblysyndaǵy saýyqtyrý lagerlerine, sonyń ishinde Alakólge kelýine bolady. Stýdentter almasý jaily aitqanyńyz da – jaqsy usynys. Óńirde I.Jansúgirov atyndaǵy Jetisý memlekettik ýniversiteti men S.Demirel atyndaǵy ýniversitet bar. Bizdi, ásirese, zamanaýi tehnologiialardy damytý salalaryndaǵy tájiribe almasý qatty qyzyqtyryp otyr, – dedi ol. Sol siiaqty oblys basshysy tatardyń ulttyq Saban toi merekesin Almaty oblysynda ótkizýdi usyndy.
Esterińizge sala keteiik, ótken jyldyń tamyz aiynda Tatarstan Respýblikasynyń prezidenti Rýstam Minnihanov bastaǵan delegatsiia Almaty oblysynda mádeni bailanystar, iskerlik seriktestik jáne tájiribe almasý maqsatynda bolyp qaitqan edi.
Baljan QAIRATQYZY, Almaty oblysy.
