Jýyrda «Múmkindigi shekteýli balalarǵa arnalǵan Qaratal kúndizgi bolý ortalyǵy» KMM qyzmetkerleri Ózbekstan Respýblikasynyń Múgedekterdi ońaltý jáne protezdeý ulttyq ortalyǵyna tájiribe almasý saparymen bardy,- dep habarlaidy Dalanews.kz
Sapardyń maqsaty – múgedekterdi ońaltý salasyndaǵy ozyq tájiribelermen tanysý jáne ekijaqty áriptestikti damytý. Delegatsiia ortalyqtaǵy ońaltý jáne protezdeý qyzmetterimen, onyń ishinde CME ádisimen (Kýevas Medek Jattyǵýlary) tanysty.
Is-shara aiasynda mamandar psihologiialyq, áleýmettik, kásibi ońaltý baǵyttarynda kórsetiletin keshendi qyzmettermen tanysyp, mamandarmen tájiribe bólisti.
Sapar barysynda ortalyq mamandary qonaqtarǵa ońaltý ádisterin is júzinde kórsetip, naqty baǵyttar boiynsha keńes berdi.
Mundai tájiribe almasý áleýmettik qyzmetkerlerdiń kásibi biliktiligin arttyratyn, inkliýzivti qoǵam qurý jolyndaǵy mańyzdy qadam bolyp tabylady.
Jetisý oblysy men Ózbekstan arasyndaǵy bul kásibi bailanys bolashaqta múmkindigi shekteýli jandarǵa kórsetiletin qyzmet sapasyn arttyrýda óziniń oń yqpalyn tigizetin bolady.
