Forým barysynda «Rýhani jańǵyrý» baǵdarlamasynyń sheńberinde ótkizilgen «Máńgilik eldiń muraty» atty oblystyq baiqaýdyń jeńimpazdary marapattalyp, jeńimpazdarǵa «Aq qaýyrsyn» ádebi júldesi tapsyryldy.
«Rýh» baiqaýynyń qorytyndysy boiynsha jaryqqa shyqqan kitaptardyń tusaýy kesildi. Osy basqosýda Jazýshylar odaǵyna múshelikke bir top qalamger saltanatty jaǵdaida qabyldandy, - dep habarlaidy Almaty oblysy ákiminiń baspasóz qyzmeti.
– Elbasynyń «Bolashaqqa baǵdar: rýhani jańǵyrý» baǵdarlamalyq maqalasynda aitylǵan ulttyq sanany jańǵyrtý ideiasynyń túp tamyry – tilde, ádebiette, mádeniette jatyr. Sondyqtan baǵdarlama aiasynda Almaty oblysynda bir jyldan beri 8 myńnan astam shara ótkizilip, 200 joba júzege asyrylýda.
Oblys ákimi Amandyq Batalovtyń qoldaýymen byltyr bir mezette 39 kitap jaryqqa shyǵyp, oqyrmanǵa jol tartty. Aldaǵy ýaqytta oblystaǵy barlyq aýyldyq mádeniet úilerin jańǵyrtyp, jańartatyn bolamyz. Sonymen qatar ádebi baiqaýlardyń, shyǵarmashylyq sharalardyń da mańyzy zor. Búgingi forýmǵa oblystyń, respýblikanyń ár óńirinen talantty jastar jinalyp otyr.
Forýmǵa qatysýshylardy osynaý aitýly sharamen shyn júrekten quttyqtap, barshańyzǵa shyǵarmashylyq shabyt tileimin! – dedi J. Omar.
Munan soń Qazaqstan Jazýshylar odaǵynyń tóraǵasy Ulyqbek Esdáýlet sóz alyp, oblystyń ádebietti qoldaýdaǵy igi bastamasyna rizashylyǵyn bildirdi. Sondai-aq aqyndar – Jazýshylar odaǵynyń oblystyq filialynyń direktory Erlan Júnis, oblystyq «Jetisý» gazetiniń bas redaktory Ámire Árin, belgili aqyndar Qalqaman Sarin, Baqytgúl Babash, jas daryn Muhtar Kúmisbek izgi tilekterin jetkizdi.
Forým jumysy munan ári «Rýh» báigesiniń qorytyndysy boiynsha jaryq kórgen kitaptardyń tusaýkeserimen jalǵasty.
Sharada «Rýhani jańǵyrý» baǵdarlamasy aiasynda ótken «Máńgilik eldiń muraty»atty oblystyq baiqaýdyń qorytyndysy jariia etildi. Marapattaý rásimin oblys ákiminiń orynbasary Jaqsylyq Omar atqardy.
Poeziia janry boiynsha I oryn «Shabyt» halyqaralyq shyǵarmashyl jastar festivaliniń júldegeri, memlekettik grant iegeri Saǵynysh Namazshamova ielense, prozada I oryn jas jazýshy, «Daraboz» báigesiniń júldegeri Qanat Ábilqaiyrǵa berildi. Qos jeńimpazǵa oblys ákiminiń «Aq qaýyrsyn» ádebi júldesi, aqshalai syilyqtar men diplomdar tabystaldy.
Poeziia boiynsha II oryndy Erlan Júnis pen Arshyn Nurbaqyt, III oryndy Qozybai Qurman men Muhtar Kúmisbek ielendi.
Proza janrynda II oryndy Esbolat Aidabosyn jáne Gúljan Amangeldiqyzy, III oryndy Ashat Ómirbai men Danagúl Bereket aldy. Júldegerlerdiń barlyǵyna aqshalai syilyqtar men diplomdar berildi.
Osy jiyn barysynda Qazaqstan Jazýshylar odaǵynyń tóraǵasy Ulyqbek Esdáýlet odaq músheliginiń qataryna qabyldanǵan jastarǵa saltanatty jaǵdaida kýálik tapsyrdy. Múshelikke qabyldanǵan arasynda Almaty, Atyraý oblystarynyń, Astana jáne Almaty qalalarynyń jastary bar.
Atap ótsek, eki kúnge sozylǵan «Jetisý kóktemi» oblystyq forýmy aiasynda jas qalamgerler Qarasai aýdanyndaǵy Prezidenttiń «Atameken» tarihi-mádeni ortalyǵyn, «Batyr babalar» memorialy men «Anaǵa qurmet» mýzeiin, Kerbulaq aýdanynda Shoqan Ýálihanovtyń memorialdyq mýzeiin aralady. Sol siiaqty Taldyqorǵan qalasyndaǵy Qaratal ózeniniń jaǵalaýynda poeziia keshin ótkizip, Súiinbai, Muqaǵali eskertkishterine gúl shoqtaryn qoidy. Sondai-aq Til saraiynda ádebiettiń san salaly taqyryptaryn talqylaǵan sektsiialyq jumystar uiymdastyrylǵanyn aita ketý kerek.
«Máńgilik eldiń muraty» oblystyq baiqaýyna qysqasha toqtalsaq, baiqaýǵa jas qalamgerler búrkenshik atpen qatysty. Poeziiada «Rýhani jańǵyrý» taqyryby, Jetisý ólkesiniń tamasha tabiǵaty jáne erkin taqyryp usynylsa, prozada týǵan ólkege arnalǵan týyndylar qabyldanǵan.
Almaty oblysy ákiminiń baspasóz qyzmeti
https://dalanews.kz/30443
