Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Jetisý jastary Qarlytaý shyńyn baǵyndyrdy

Dalanews
Jetisý jastary Qarlytaý shyńyn baǵyndyrdy
Almaty oblysynyń jalyndy jastardan quralǵan top «Paraǵa emes,  biikke umtyl» uranymen Qarlytaý shyńyn baǵyndyrdy.

Ekspeditsiia «Jetisý adaldyq alańy» jobalyq keńsesiniń bastamasymen jáne Almaty oblystyq ákimdiginiń qoldaýymen júzege asqan. Túpki maqsat – otandyq týrizmdi nasihattaý ári sybailas jemqorlyqqa qarsy mádeniet qalyptastyrý.

Rejiser Erlan Ushaqbaev, ekstremaldy sportshy Sáken Kaǵarov jáne bloger Aselina Sailaýmbekova bastaǵan top Almaty oblysynyń Talǵar aýdanynda ornalasqan Qarlytaý shyńyna shyqty. Olar 9 kún ishinde 5450 metr biiktikti eńsergen.

– Biyl «Jastar jyly» dep jariialanǵany bizderdi qatty qýantty. Osy oraida el aýmaǵynda ártúrli baǵdarlamalar qolǵa alynyp, jańa jobalar júzege asyrylýda. Baǵdarlama aiasynda biz de atsalysýdy jón sanadyq. Árine, biiktikti baǵyndyrý ońaiǵa soqqan joq. Biiktikke kóterilgen saiyn aýa raiy ózgerip, qolaisyzdyqtar da týyndady. Alaida maqsatqa jetýge shydamdylyq pen shymyrlyq jáne ózara bereke-birlikterimiz muryndyq boldy. Qiyn da bolsa qyzyqty ótken sapardan qanattana oraldyq, – dedi sportshy Sáken Kaǵarov.

Jalpy, áýesqoi alpinister top quramynda qazaqstandyq beine blogerler, vainerler, lifestyle ókilderi men sportshylar bar.

– Almaty oblysynda «Jetisý – adaldyq alańy» atty mekeme qurylǵan. Sol mekeme aiasynda shyńdardy baǵyndyr jáne jemqorlyqtan aýlaq bol degen jobamen birneshe is-sharalardy uiymdastyrýdamyz. Sonymen qatar erekshe atap ketetin dúnie Almaty oblysynyń jas memlekettik qyzmetshileri «Shyńdardy baǵyndyr» uranymen Almaty kólindegi «Úlken Almaty shyńyn» jáne keler jyly keń kólemde atalyp ótiletin Abai Qunanbaiulynyń 175 jyldyǵyna orai «Abai shyńyn» baǵyndyrýdy josparlap otyrmyz, – dedi Almaty oblysynyń ishki saiasat basqarmasynyń basshysy Rýstam Áliuly.



Baljan JUMANBEKOVA, Almaty oblysy.

 
Almaty oblysy Baljan Jumanbekova Paraǵa emes biikke umtyl Qarlytaý shyńy Sáken Kaǵarov Aselina Sailaýmbekova Erlan Ushaqbaev ekstremaldy sport Madina Sádýaqasova

Oqi otyryńyz