Baiqaýǵa óńirdegi 71 etnomádeni birlestikter qatysady. Sonymen qatar, jetisýlyq turǵyndar jas shamasyna qaramastan biregei týyndylaryn jibere alady.
– Ertegiler jinaǵyn qurý ideiasy ájemniń nemerelerine aitqan qyzyqty ertegilerinen bastaý alǵan edi. Áńgime barysynda ájem olarǵa otbasylyq qundylyqtar, dostyq, beibitshilik pen birlik týraly bilimmen túsinik beretin. Bul urpaqqa mura bolatyn qundylyq. Sondyqtan ýaqyt óte umytylǵan halyq ertegilerin jandandyrý maqsatynda biz osy jobany iske qosamyz, – deidi Almaty oblystyq «Qoǵamdyq kelisim» KMM direktory Sandýǵash Dúisenova.
Mazmuny men taqyryby boiynsha úzdik shyqqan ertegi aýdio formatqa aýystyrylyp, PlayMarket jáne AppStore qosymshalaryna ornalastyrylyp, ashyq qol jetimdi bolady. Biregei qosymshany óz salasynyń mamandary, Ýkrainadan kelgen baǵdarlamashylar ázirleidi dep kútilýde. Joba jeńimpazdarynyń esimderi 22 aqpanda belgili bolady.
