بايقاۋعا وڭىردەگى 71 ەتنومادەني بىرلەستىكتەر قاتىسادى. سونىمەن قاتار، جەتىسۋلىق تۇرعىندار جاس شاماسىنا قاراماستان بىرەگەي تۋىندىلارىن جىبەرە الادى.
– ەرتەگىلەر جيناعىن قۇرۋ يدەياسى اجەمنىڭ نەمەرەلەرىنە ايتقان قىزىقتى ەرتەگىلەرىنەن باستاۋ العان ەدى. اڭگىمە بارىسىندا اجەم ولارعا وتباسىلىق قۇندىلىقتار، دوستىق، بەيبىتشىلىك پەن بىرلىك تۋرالى بىلىممەن تۇسىنىك بەرەتىن. بۇل ۇرپاققا مۇرا بولاتىن قۇندىلىق. سوندىقتان ۋاقىت وتە ۇمىتىلعان حالىق ەرتەگىلەرىن جانداندىرۋ ماقساتىندا ءبىز وسى جوبانى ىسكە قوسامىز، – دەيدى الماتى وبلىستىق «قوعامدىق كەلىسىم» كمم ديرەكتورى ساندۋعاش دۇيسەنوۆا.
مازمۇنى مەن تاقىرىبى بويىنشا ۇزدىك شىققان ەرتەگى اۋديو فورماتقا اۋىستىرىلىپ، PlayMarket جانە AppStore قوسىمشالارىنا ورنالاستىرىلىپ، اشىق قول جەتىمدى بولادى. بىرەگەي قوسىمشانى ءوز سالاسىنىڭ ماماندارى، ۋكراينادان كەلگەن باعدارلاماشىلار ازىرلەيدى دەپ كۇتىلۋدە. جوبا جەڭىمپازدارىنىڭ ەسىمدەرى 22 اقپاندا بەلگىلى بولادى.
