Bıyl aýdan dıqandary negizgi daqyl – maqtadan mol ónim alyp, beınetteriniń zeınetin kórdi. Jyl basynda aýdandyq ákimdik maqtanyń shyǵymdylyǵy gektaryna kemi 25 sentnerden kem bolmaýy kerek dep aldyna maqsat qoıǵan bolatyn. Jospar oıdaǵydaıoryndalyp, alǵa qoıǵan mejege qol jetkizdi.
– Aýdanda buǵan deıin maqtanyń 90-95 paıyzyn qolmen terilgen edi. Qazir sharýalar maqtany jyldan-jylǵa kombaınmen terýge kóship jatqanyn Jetisaı aýdany ákimi Jamantaı Beısenbaev alǵa tartqan bolatyn:
Aldaǵy ýaqytta maqtany arnaıy tehnıkamen jınaýdyń kólemin 90-95 paıyzǵa jetkizýdi josparlap otyrmyz. Qazir qosymsha taǵy tórt júıekti 12 kombaın aldyrýdamyz. Ol burynǵy eki kombaınnyń rólin atqarady. Sapaly, taza teredi. Burynǵydaı balalarymyz maqta tergenshe, sabaq oqysyn. Qyzdarymyz, kelinderimiz 20-30 keli qap arqalap, aýrý japsyrǵansha, bala týsyn, bala tárbıesimen aınalysqanyn qalaımyz. Al Ózbekstannan keletin jumysshylarǵa tapqan tabystyń 20-30 paıyzyn bergenshe, oǵan azdap aqsha qosyp, kombaıyn satyp alǵan jón. Kombaınmen tergende oǵan ketetin shyǵyn tapqan tabystyń 10-15-aq paıyzyn quraıdy. Sharýalarǵa osyny túsindirip jatyrmyz, – dedi.
Dalanews.kz
