Solardyń biri - Jetisaı aýdany Abaı aýyl okrýgindegi «Maharam» sharýa qojalyǵy aldaǵy 4 aıda 1 myń bas qoıdy bordaqylap shyǵarmaq dep habarlaıdy aýdan ákiminiń baspasóz qyzmeti.
Árbir baılanǵan qoshqar orta eseppen 30-35 keli et beredi. Qazirdiń ózinde qorada 300 bas jaıdary qoshqar jemge qoıylǵan. Qojalyqta óndirilgen et negizinen Almaty qalasynyń naryǵyna jóneltiledi. Qazirgi tańda «Maharam» sharýa qojalyǵynyń ıeleginde jalpy sany 5 myń bas qoı bar. Jetisaı aýdanynda jaıylym jer qat bolǵandyqtan mundaǵy otarlar Shardara aýdanyna qarasty qumda ustalady eken.
Qojalyq tóraǵasy Maharam Nıftalıevtiń aıtýynsha, jaıdary qoılar shól jáne shóleıt jer jaıylymyna kónbis, kútim talǵamaıdy. «Qoılarymyzdyń jem-shóbin ózimiz ázirleımiz. Bıyl 20 gektar jońyshqa men 30 gektar jerge júgeri ektik. Odan alynǵan ónim jaman emes. Máselen, jońyshqany 5 ret oryp alamyz. Jıyn-terim jumystaryna qajetti tehnıkalarymyz da bar», - deıdi Maharam Nıftalıev.
Búginde Jetisaı aýdanynda 167 myń 972 usaq mal bar. Onyń 22337-si Jańaaýyl aýyldyq okrýgindegi sharýalarǵa tıesili.
