Jetisaidy gúldendirgen abaz ananyń kitaby jaryqqa shyqty
Sharaǵa aýdan ákimi Jamantai Beisenbaev, Túrkistan oblystyq ardagerler keńesi tóraǵasynyń orynbasary, ájeler alqasynyń tóraiymy Úrzada Aitóreeva, aqyn Muhtar Quralov jáne bir top ziialy qaýym men BAQ ókilderi qatysty.
Tusaýkeser rásiminde sóz alǵan aýdan basshysy qarymdy qalamgerdi arnaiy quttyqtap, qazaqy kamzol kigizip, iyǵyna oramal japty.
– Qazaqta «Jaqsynyń aty qalady, ǵalymnyń haty qalady» degen keremet sózi bar. Aijamal ápkemizdiń búgingi kitaby keler urpaqty tárbieleýge taptyrmas qural deýge bolady. Sebebi, bul kitapty ápkemizdiń ómirden túigeni, ǵumyr joly, ulaǵatty ta, ónegeli ómiri sýrettelgen, – dedi Jamantai Qanaiuly.
Aijamal Ermahanqyzy otbasynda ardaqty ana, Myrzashól óńirine syily qoǵam qairatkeri. Kitabynyń aty tekten tekke «Shymqorǵannyń qyzǵaldaǵy» dep qoimaǵan. Bul kisi Jetisai jerine gúlderdi alǵashqy ákelgenderdi biri. Gúl – syilastyq pen adamgershiliktik, náziktik pen sulýlyqtyń simvoly. Bul qasietterdiń bári Aijamal apanyń boiynan tabylary daýsyz.
Túrkistan oblystyq ardagerler keńesi tóraǵasynyń orynbasary, ájeler alqasynyń tóraiymy Úrzada Aitóreeva zamandas qurbysynyń qoǵamdaǵy belsendiligi men adamgershilik qasietterin tilge tiek etti.
Tusaýkeser rásimi erekshe qoiylymmen bastaý aldy. Ónerli mektep oqýshylary Aijamal Ermahanqyzy ǵumyr joly men ónegeli ómirin sýretteitin jyrlardy oqyp, kórermenderdiń yqylasyna bólendi. Shara sońy kontserttik baǵdarlamaǵa ulasty.
Jetisai aýdany ákiminiń baspasóz qyzmeti
