شاراعا اۋدان اكىمى جامانتاي بەيسەنبايەۆ، تۇركىستان وبلىستىق ارداگەرلەر كەڭەسى ءتوراعاسىنىڭ ورىنباسارى، اجەلەر القاسىنىڭ ءتورايىمى ءۇرزادا ايتورەيەۆا، اقىن مۇحتار قۇرالوۆ جانە ءبىر توپ زيالى قاۋىم مەن ب ا ق وكىلدەرى قاتىستى.
تۇساۋكەسەر راسىمىندە ءسوز العان اۋدان باسشىسى قارىمدى قالامگەردى ارنايى قۇتتىقتاپ، قازاقى كامزول كيگىزىپ، يىعىنا ورامال جاپتى.
– قازاقتا «جاقسىنىڭ اتى قالادى، عالىمنىڭ حاتى قالادى» دەگەن كەرەمەت ءسوزى بار. ايجامال اپكەمىزدىڭ بۇگىنگى كىتابى كەلەر ۇرپاقتى تاربيەلەۋگە تاپتىرماس قۇرال دەۋگە بولادى. سەبەبى، بۇل كىتاپتى اپكەمىزدىڭ ومىردەن تۇيگەنى، عۇمىر جولى، ۇلاعاتتى تا، ونەگەلى ءومىرى سۋرەتتەلگەن، – دەدى جامانتاي قاناي ۇلى.
ايجامال ەرماحان قىزى وتباسىندا ارداقتى انا، ءمىرزاشول وڭىرىنە سىيلى قوعام قايراتكەرى. كىتابىنىڭ اتى تەكتەن تەككە «شىمقورعاننىڭ قىزعالداعى» دەپ قويماعان. بۇل كىسى جەتىساي جەرىنە گۇلدەردى العاشقى اكەلگەندەردى ءبىرى. گۇل – سىيلاستىق پەن ادامگەرشىلىكتىك، نازىكتىك پەن سۇلۋلىقتىڭ سيمۆولى. بۇل قاسيەتتەردىڭ ءبارى ايجامال اپانىڭ بويىنان تابىلارى داۋسىز.
تۇركىستان وبلىستىق ارداگەرلەر كەڭەسى ءتوراعاسىنىڭ ورىنباسارى، اجەلەر القاسىنىڭ ءتورايىمى ءۇرزادا ايتورەيەۆا زامانداس قۇربىسىنىڭ قوعامداعى بەلسەندىلىگى مەن ادامگەرشىلىك قاسيەتتەرىن تىلگە تيەك ەتتى.
تۇساۋكەسەر ءراسىمى ەرەكشە قويىلىممەن باستاۋ الدى. ونەرلى مەكتەپ وقۋشىلارى ايجامال ەرماحان قىزى عۇمىر جولى مەن ونەگەلى ءومىرىن سۋرەتتەيتىن جىرلاردى وقىپ، كورەرمەندەردىڭ ىقىلاسىنا بولەندى. شارا سوڭى كونسەرتتىك باعدارلاماعا ۇلاستى.
جەتىساي اۋدانى اكىمىنىڭ باسپا ءسوز قىزمەتى
