Jetisaida záitún maiyn óndiretin kásiporyn salynady
– Esterińizde bolar, «Almaty tehnologiialyq ýniversiteti» mamandarynyń «Baqsha daqyldaryn tereń óńdeý tehnologiiasy» innovatsiialyq jobasy, aǵymdaǵy jyly aýdanda alǵashqy ret tamyz aiynda Jetisai qalasynda ótkizilgen «Qaýyn fest» festivali aiasynda kásipkerlerge usynylǵan bolatyn. Bul maqsatta ákimdik tarapynan jobany iske asyrýǵa qajetti jer ýchaskesi qarastyrylýda. Aldaǵy ýaqytta bizder oqý orynmen birlesip jumys isteitin bolamyz, – dedi Jamantai Qanaiuly.
Jetisaidaǵy taǵy bir mańyzdy jobanyń biri – aýdanda sheteldik investorlardy tartý arqasynda aǵymdaǵy jyly ispaniialyq kásipkerlerdiń záitún maiyn shyǵarý jobasyna qajetti 20-30 gektar jer ýchaskeleri usynylǵanyn atap aitýǵa bolady. Qazir usynylǵan jerlerdiń topyraq quramyn anyqtaý úshin tiisti jumystar júrip jatqanyn ákim men jýrnalisterdiń júzdesýinde málim boldy.
Eger usynylǵan jerlerdiń quramy sáikes kelse, ispaniialyq kásipkerler aýdanda pilottyq joba retinde záitún maiyn óndiretinzaýyt ashýdy jáne shikizat daiyndaý maqsatynda aýdan sharýashylyqtarynda ósirýdi josparlap otyr.
